Serchhip District Road Safety Committee chu an Chairman, Serchhip Bawrhsap Pu Paul L. Khuma kaihhruaiin DC Meeting Hall-ah an thukhawm.

 Vawiin Dt 4th November 2026  Thutkhawmah hian Serchhip khawpui chhunga lirthei chet velna nuam zawk leh mipui tana him zawk a awm theih nana hmalak dan turte sawiho a ni a. Tun thla chhung hian District chhunga zirna in hrang hrangahte 'Road Safety Awareness Campaign' neih tum a ni a; lirthei khalhtute'n driving etiquette (lirthei khalh laia awm dan mawi) an zir theihna tur leh document pawimawhte kim taka an vawn theihna turin, District Transport Office (DTO)-in inzirtirna tur thu ziak buatsaihin, YMA Branch leh Village Council hrang hrangah sem darh a ni dawn bawk a ni.

Mipui ten dan an zawm that theih nan, Serchhip khawpui chhung hmun hrang hrangah Traffic Police ten thla khatah vawi hnih tal 'surprise checking' an nei thin dawn a,he Meeting-ah hian Addl. DC, Addl SP, DTO, PWD EE, CMO leh Committee member dangte an tel a ni