Vote Bachao,Desh Bachao-Vote hum him la,Ram chhanhim rawh'tih thupui hmangin Agiation Rally Serchhipah neih a ni.

Vawiin Dt 22 Oct 2026 (Nilai Ni) khan Serchhip Bazar Tualah Mizoram Pradesh Congress  Committee (MPCC) Campaign Committee leh Serchhip Block Congress Committee  tangkawp  buatsaih ' Vote Bachao,Desh Bachao-Vote hum him la,Ram chhanhim rawh'tih thupui hmang a 'Agition Rally'neihah hian MPCC Sr Vice President  Pu Lalnunmawia Chuango chuan inlawmns a thu a sawi a, Ex-MP leh All India Congress Commitee(AICC) Mizoram Incharge-Dr A.Chella Kumar chuan thusawiin,Democracy ah chuan mipui ten vote nei turin dikna chanvo kannei thu leh mahse BJP sawrkar ten State hrang hrangah diklo takin ram mipui te  vote chhuhsak (Electoral Fraud) an kalpui thute, ECI in E-roll Revision an kalpui dan ah thil tenawm  a thlen thu leh India ram State thenkhat a Inthlan lo neih tawhah Electoral  Roll felfai lo tak kalpui alo nih tawh thu te a tarlang bawkin,MPCC Treasurer leh AMC Corporator ni bawk Dr Malsawma Nghaka chuan  an Rally  thupui 'Vote Bachao,Desh Bachao-Vote hum him la,Ram chhanhim rawh'tih an au chhuahpui chhan leh  an Party thil tum pawimawh tlangpui te a sawi bawk ani.

He hunah hian MPCC Presdient Pu Lal Thanzara pawhin thu sawiin,kan ram leh hnam leh sakhua hmalam hun tur thui tak hril tur programme hmang annih thu sawiin, tunhnaia NEET Exam Question leakout avanga thalai te beidawnna boruak te,ECI ten Vote  Vaibelchbe 13 leh nuaih 50 chuang paih a an tihchingpen chu Mizorama vote nei thei let tamtak aiin an tam zawk thu leh hei hi ram rorelna chan reng tum na anih thu leh SIR 2026 kalpui mek chu titawp tur leh heta mawh phurtute  pawh ban an phut tlat thu a sawiin,vawiin a Serchhip khawpui nunphung tibuai hial khawp a MPCC ten dodalna huaihawt alo tul ta chu pawi a tih thute bakah BJP leh RSS te chu a mizopui leh ringtu a nih pui zawng zawngte chuan  lo vulh lian a,lo enliam mai mai tawh lo turin a chah bawk ani. 

MPCC Vice President leh Adivasi Congress a National Executive Member ni bawk Pu Zodintluanga Ralte  te pawhin, Vote humhim la,Ram chhanhim rawh' tih hmanga campaign  a lo tul ta chu a lungchhiat thlak a tih thu leh hemi kaihhawih a awmte zawng2 paih thlak annih hunah chuan Congress Party chu a rawn tho leh dawn a ti a,Congress Sawrkar laiin Mizoram tan  leh Serchhip bial tan ngei pawh  hmasawnna hna tamtak  thawh lo nih tawh dante tarlangin, chhungkaw tamtak eizawnna anlo siamsak tawh dante, tun sawrkarah kan hrawn mekah law & order kenkawhna a tlahniam tawh thute leh kawng chhia chungchang te,2029 ah chuan sawrkar party leh a sangawi zawnpui te ten sawrkarna an chan ngei tawh dawn thute a sawi a,tun sawrkar mekte kal dan angin MPCC te chu an kal ve dawnloh thu leh  kan rama rethei harsa zawkte dinchhuah theihna turin MPCC hotuten hma an lak mek thu a sawi bawk ani.

Vawiin a Serchhip Bazar Tualah Mizoram Pradesh Congress Committee (MPCC) bul tuma 'Vote Bachao,Desh Bachao-Vote hum him la,Ram chhanhim rawh'tih hmang a 'Agition Rally'neihah Serchhip Block Congress Committee President  Pu F Lalzamlova chuan hunserh  hmangin,AICC Observer  Pu Pawan Godara te pawhin  thu a  sawi bawk a,he Agitation Rally ah hian MPCC Gen Hqrs atang leh zoram dung leh vang  leh Serchhip leh a chhehvel khaw hrang hrang atangin Congress Party mi leh sa thahnemtak te fuankhawmin,'Vote hum him la,Ram chhanhim rawh'tih leh 'CEO Ganesh Kumara  bang rawh se' tih leh 'Congress Party vul zel rawh se...' tih te hmangin an au rual bawk ani.