Vawiin Dt 29th October,2026 khan Serchhip DC Meeting Hall-ah District Bawrhsap Pu Paul L. Khuma hovin District Level Anti-Ragging Committee (DLARC) an thukhawm

 He thutkhawmah hian Addl. DC Pi Dorothy Muansangi kaihhruai Sub-Committee ten an duan "Draft Comprehensive Awareness Campaign Module for Anti-Ragging in Schools (Elementary to Higher Secondary) within Serchhip District" chungchang sawi ho a ni. 

He Module hian zirlai, a te ber atanga a lian ber thlengin ragging/bullying awmzia an hriatthiam a, tih rem a nih theih nana duan a ni a; zirna ina  intihduhdahna avanga harsatna tawk ten him leh zalen taka an report theihna tur te, zirtirtu, nu leh pa leh khawtlang hruaitute nena tang hova ragging/bullying do dan tur te leh, kum bithliah mil zela zirtirna pek dan turte duan a ni a, zirna in tinah chak taka hma lak a ni dawn a ni.

Bawrhsap Pu Paul L. Khuma chuan ragging/bullying hi Criminal Offence leh intimidation a nih theih avangin ngaih pawimawh a tul hle thu a sawi a. Naupangte chauh ni lo, nu leh pa te pawhin ngaih pawimawh a tul thu sawiin, Institution tinte chu Anti-Ragging Report mumal taka vawng tur leh heng dan bawhchhiatna awm theite laka chak taka hma la turin a chah a ni.

Vawiin thutkhawmah hian Serchhip District-a zirna in hrang hranga hotute, khawtlang hruaitute leh concerned department hotute an tel a ni.