Rampum huap Presbyterian Kohhran Pavalai Pawl(KPP)Intawhkhawm Vawi 7-na neih tur atan inbuatsaih ngawrh taka kalpui mek niin, tun thla ni 13 zan-ah Pandal hlanna Inkhawm neih tum a ni

 Tun thla October Ni 16-18 hmanga 'Rampum Huap Kohhran Pavalai Pawl Intawhkhawm Vawi 7-na' Serchhip khua in a thlen tur chungchang ah hian nimin zing khan Organising Committee chuan Serchhip-a thuthar thehdarhtute kawmin an inbuatsaihna hrang hrangah an tarlang a,He Intawhkhawmna neih tur atan hian July 23, 2024 khan Organising Committee dinin Office Bearers mi 13, Committee Member mi 29 leh Patron mi pahnih awmin Sub-Committee paruk (6) siam niin, Budget pumpui  atan Rs. Nuaih sawmnga singkhat(50,10,00)- ruahman niin a thlengtu, Serchhip-a Presbyterian Pastor Bial pathum ten Rs. 6,70,000/- theuh an thawh bakah Synod Revival atangin cheng nuai 30 dawn ani bawk.

 Heng bakah hian Bialtu MLA leh Chief Minister te bakah District Bawrhsap te kaihhruaina hnuaiah sawrkar Department hrang hrangte nen hma an lak thu a sawi a, sawrkar pawhin sum engemaw zat ruahmanin kawng hrang hranga hmalakna kalpui a nih dan te a tarlang a, mipui mamawh ei leh in leh eirawngbawlna Gas lamah pawh harsatna awm lo turin  kawng  hrang hrang a  hma an lak thu tarlan ni bawkin,He intawhkhawmna neih tur atana Pandal sak hna hi thla liamta August 25, 2026 atang khan P&E Venga Leisekawt Mual-ah Mark Event & Entertainment,Ramhlun Aizawl ten ‘German Hanger’ hmangin, a dung ft. 200 leh a vang ft. 190-a zau in sa tan a,tunkar Ningani, October 8, 2026 khian zofel tum niin,Pandal-ah hian ft. 12-a sei thutthleng 880 leh ft. 9-a sei 10 siamin, mi sing khat thu thei tura an beisei  ani a, Lam tual pawh ft. 102 x 40-a zau-a siam niin,Stage hi ft. 60 x 20-a zau-a dawh niin, Intawhkhawmna Programme zawng zawng hi SYNFO chuan Live Coverage an tih leh dawn bakah WAVE Sound  hman tum niin,tun  October 13, 2026 (Thawhlehni) zan khian 'Pandal hlanna Inkhawm'  neih tura ruahman a ni a,he hunah hian Pastor Bial 3 chhung a Kohhran hrang hrangten chanvo an neih dawn ani.

Serchhip a'KPP Intawhkhawm Vawi 7-na' neih tur atana thil pawimawh hrang hrang sawiho zingah Faina kawngah nasa taka hmalak tum ni bawkin,he Intawhkhawm  tanpuina hi Bial leh Kohhran hrang hrang atangin a sum faiin Rs. 1,80,000/- dawn ani tawh bawk ani.