MLA Pu Malsawmtluanga’n Kanghmun South Panchayat Bhawan a hawng

Lawma Ralte • October 19, 2026 • Comments

 Rashtriya Gram Swaraj Abhiyan (RGSA) pawisa hmanga sak Kanghmun South-a Panchayat Bhawan chu kar kal ta Zirtawp Ni (Dt 16th October, 2026) khan Pu V. Malsawmtluanga, Lunglei North bialtu MLA leh Vice Chairman, Lunglei High Powered Committee ni bawk chuan a hawng.


Kanghmun South VC ten ruahmanna awm sa piahlama anmahni an insenso dan chu fakin Pu V. Malsawmtluanga chuan entawntlak a tih thu a sawi a, sawrkar aṭanga hmasawnna hna thawh a nih reng rengin neitu thinlung pu tlat zel turin kalkhawmte a chah a ni.

Panchayat Bhawan hawnna programme-ah hian Dr. Malsawmtluanga Fanchun, Project Director, DRDO leh DLAO Serchhip pawhin thu sawiin Kanghmun South VC te Panchayat Bhawan hawn a lo ni thei ta chu Serchhip District tan thil chinchhiahtlak tak a ni a ti a. Khawtlang mipui pawhin ṭangkai taka an hman ngei a beisei thu a sawi bawk ani.

Cheng nuai 20 senga sak Kanghmun South Panchayat Bhawan hi sak dan tura duan sa aia liana sak a ni a, ruahmanna duan sa chi hrang hrang - VCP Room, Common Room, Meeting Room, choka leh bathroom bakah a ken tel thil dang pawh dah kim vek a ni.