Ramchhung hmundangte rualin Serchhipah pawh ‘Swachhata Hi Seva 2026’ Launching Programme hman a ni

 Vawiin Dated 17th September 2026 khan Swachh Bharat Mission hnuaia, India ram pum huap kar hnih awh faina beihpui thlakna ‘Swachhata Hi Seva 2026’  khuhhawnna hun Serchhip DC Pisapui Hall-ah hman a ni a, he hun hi DC Office, UD&PA leh PHE te bultuma buatsaih niin, District Urban Development Officer Pu Gaston Vanlalhriatpuia’n a kaihruai a, Serchhip District Bawrhsap Pu Paul L. Khuma’n khuallian niin a hawng.

Serchhip Bawrhsap chuan kalkhawmte fuihna thu sawiin, faina hna thawh chu rawngbawlna dik  tak a nih thu a sawi a; faina chu inthununna leh mi dangte zahna (respect) lantirtu, darthlalang anga mi nihna diktak lantirtu a nih thu sawiin, khawtlang nuam leh hrisel, tu chhuan lo awm leh zelte tan pawha ram nuam siam turin, mi tinte chu thawh hona tha neih puiah a sawm a, faina atana mahni zawn theuha ke pen a, ’collective participation’ nei turin a sawm a ni.

Kumin October ni 1 ah  khian ‘Ek Din, Ek Ghanta, Ek Saath’ tiin India ram pumah faina hnatlang neih a ni ang a, October ni 2, Swachh Bharat Diwas-ah he campaign hi khar a ni dawn a ni.