NATIONAL MISSION ON NATURAL FARMING (NMNF) CHUNGCHANGAH DISTRICT LEVEL MONITORING COMMITTEE NEIH A NI

Lawma Ralte • September 2, 2026 • Comments

 Serchhip DC’s Meeting Hall-ah Deputy Commissioner Pu Paul L. Khuma kaihhruaiin National Mission on Natural Farming (NMNF) hnuaia District Level Monitoring Committee (DLMC) meeting chu nimin tlai (Dt.1st September 2026)khan neih niin,Pu K. Laltlanmawia DAO/Member Secretary DLMC hnen atangin Natural Farming kalphungte ngaihthlak a ni a,Pi Lalchhuansangi Project Director ATMA hnen atangin Serchhip District-a Natural Farming kalpui a nih tawh dante leh hmalak chhunzawm a nih dan turte ngaihthlak a ni bawk. Meeting -ah hian kum 2026-2027 atana sum ruahmante pawm nghal a ni bawk.


Meeting-a kalkhawm te hnen atangin Natural Farming hlawhtlinna atana ruahmanna leh thurawn hrang hrangte ngaihthlak ni bawkin,Natural Farming hnuaiah hian nikum 2025-26 khan Cluster 10-ah loneitu 1250 te hmalakpui an ni a. 2026-27 ah Cluster 21-ah loneitu 2625 te hmalakpui leh tura ruahman a ni a, Tun dinhmun-ah Bio-input Resource Center (BRC) 6 awm mekin, 2026-27 atan BRC 7 neih belh tura ruahman a ni bawk.