ATMA Serchhip E. Lungdar Block buatsaihin E. Lungdar leh Mualcheng khuaa loneitute Greenhouse tello a ram lei leh huan pangngai a Tomato chindan zirtirna pein, leitha pek dan leh zuva laka ven dan zirtir bawk.

 Agricultural Technology Management Agency (ATMA),  Serchhip District ,E. Lungdar Block chuan E. Lungdar leh Mualcheng khuaa loneitute hnenah Greenhouse tello, ram lei leh huan pangngai a Tomato chindan zirtirna leh leitha pek dan leh zuva laka venna damdawi kar kalta Inrinni  khan  Training leh Demonstration Programme hlawhtling takin an buatsaih.

He hun hi ATMA E. Lungdar Block staff, Serchhip District ten an kaihruai a, Resource Person atan Pu Hmingthansanga, Senior Horticulture Demonstrator hman niin, Chawhma lamah E. Lungdar khua a Pu Remlalmuana leh Pu Zothanmawia farm-ah 'Planting Technique, spacing and cultivation of Tomato (Open)' tih thupui hmangin Training leh Demonstration programme neih a ni a. He hunah hian Greenhouse hmanglo a pawn huan leh rama Tomato enkawl dan zirtirna pek niin, leitha hmanga Tomato enkawl dan leh natna laka enkawl dan zirtirna pek an ni a, leitha leh rannung thatna damdawi thahnem tak sem a ni bawk.

Chawhnu lamah Mualcheng a Pu Tlangmawia huanah 'INM and IPM in Pineapple cultivation' tih thupui hmangin demonstration programme hman chhunzawm leh niin, Lakhuihthei natna te endikna neiin, leitha leh natna laka venna damdawi loneitu te hnenah sem a ni a,He hunah hian ATMA,E.Lungdar Block Staff te hian Krishi Mapper (Geo tagging) lo neitute huanah ti nghalin, lo neitute huan leh ram, a chhunga thlai awmte a awmna tak thlalak a, Map a siam niin, he Krishi Mapper in a tum ber chu loneituten an huan lo ram dik tak an nei em? lonei mi dik tak anni em? thenawmte ram nen an indip dal em? tih te a hmun ngeia endikna a ni.

He programme hian E.Lungdar leh Mualcheng khua a Tomato leh Lakhuihthei ching mekte tan eizawnna tihpun kawngah nasa taka a puih beisei niin,he hun hi loneituten hlawk thlak an ti hle a ni.