Ruihhlo leh a siamna hmanrua hâlral ani

 New Serchhip Ruihhlo Do Committee chuan zu chhuanna atana hman \hin bel an man 10 leh heroin tic tac bur 6 te chu kar liamta Inriini zingkar khan an hâklral.

New Serchhip Presbyterian Kohhran School rama  Ruihhlo hmanraw halralna hun hi Lalhlimpuia NSRDC Anti Drug Squad Chairman chuan kaihruaiin, T.Upa Lalduhkima Ralte, Treasurer-in hunserh a hmang a, New Serchhip Ruihhlo Do Committee Chairman Upa R.Sanghmingthanga chuan ruihhlo halralna hun hmangin, hemi hmaa thu a sawinaah zu leh damdawi-te hi kan ramina nasa taka kan do leh a tirem tura kan inpek a \ul a ni, tiin, ruihhlo zuartute pawh an thil tih \hat lohzia hria a, kohhran, ram leh khawtlang duh loh a ni tih hria a, sim duhna thinlung nei se a duh thu sawiin, ruihhlo zuartute an huat loh thu leh hmangaih tak chungin kawng dik zawh turin an sawm tih a sawi a, ruihhlo hmanraw halna mei a dep kai nghal a ni.

He huna report petu, PC Lallawmsangzuala, Secretary, NSRDC tarlan danin New Serchhip Ruihhlo Do Committee hi kum 2023-ah New Serchhip Pastor Bial inkhawmpuiin Kohhran leh tlawmngai pawl hrang hrang te thawhpuiah sawm chunga an din a ni a, NSRDC hnuaiah hian Anti Drug Squad din leh niin, anni hi \um 45 feh chhuak tawhin ruihhlo leh a siamna hmanrua eng emaw zat an man tawh a, ruihhlo an man tawhte hi Heroin No 4 - Hawng 34 leh Can - 5 leh Tictag - 12, Rakzu - 1200 Ltrs, Zu bilhlai - 2400 Ltrs - 2400 Ltrs, Ganja - 65 grams an man tawh a ni.

Hei bakah hian NSRDC hian naupang leh tleirawlten ruihhlo an tih ve lohna tura inzirtirna pawh kalpuiin, mi thiam zawkte sawmin an huam chhunga ni tin school leh sunday school naupangte hnenah ruihhlo that lohzia inzirtirna (Awareness campaign) an kalpui thin a ni.

NSRDC-ah hian Kohhran hrang hrang 12, YMA Branch 6, Village Council 3, MHIP Branch 6  leh MUP Branch 3 an tel a ni.