Agricultural Technology Management Agency (ATMA), E. Lungdar Block, Serchhip District ten N. Vanlaiphai leh Chekawn khua ah 'Sangha vulh leh enkawl chungchangah Demonstration' leh 'Farm School Programme' hlawhtling takin nimin khan an buatsaih.

 He hun hi ATMA E. Lungdar Block staff, Serchhip District ten kaihruaiin, Resource Person atan Pi Janet Lalawmpuii Chawngthu, Fisheries Extension Officer chuan hman puiin,Chawhma lamah N. Vanlaiphaiah Pu Ramluahsanga leh Pu Malsawmdawngkima te farm-ah 'Paddy Cum Fish Culture' tih thupui hmangin Demonstration neih a ni a,he hunah hian leilet siamtute chu  buh leh sangha inchawm tawn dan zirtir niin, Common Carp note 2000 leilet buh tui tlinna ah chhuah anni.

Chawhnu lamah Chekawn a Pu Lalinmawia sangha dil ah 'Duck Cum Fish Culture' tih thupui hmangin sangha vulhtu mi 15 hnenah Farm School training neihpuileh niin, varak ek hmanga sangha chawm leh enkawl dan zirtir pek leh anni a,Pu Lalinmawia dil ah hian Indian Major Carp (Rohu) note 700 chhuah niin, varak note leh varak in sakna tur tanpuina hlan nghal anni bakah,Chekawn khua a  Pu Vanlaihruaia leh Pu Lalengvara,dil ah 'Culture of Indian Major Carp' tih thupui hmangin Demonstration neih chhunzawm leh niin, Indian Major Carp (Rohu) note 1400 chhuah a ni bawk.

He programme hian sangha vulhtute eizawnna tihpun kawngah nasa taka a puih beisei niin,he hun hi  loneitute chuan hlawkthlak an ti hle a ni.