SERCHHIPAH 'DAN BAWHCHHETUTE CHUNGA DAN LEKKAWH DAN TUR' CHUNGCHANG SAWIHO A NI

 Serchhip Deputy Commissioner Office Meeting Hall-ah  District Magistrate leh  Serchhip Bawrhsap ni bawk  Pu Paul L. Khuma hovin, Dan thar Bharatiya Nagarik Suraksha Sanhita (BNSS) leh Bharatiya Nyaya Sanhita (BNS) hnuaia District Magistrate/DC khapna thupekte (Prohibitory Order) khauh taka kenkawh dan turte  dan lama mi thiamte nen kar liamta khan sawiho a ni.

 
India Dan thar Bharatiya Nagarik Suraksha Sanhita (BNSS) leh Bharatiya Nyaya Sanhita (BNS) hnuaia District Magistrate/DC khapna thupekte (Prohibitory Order) khauh taka kenkawh dan turte sawi ho naah hian  Dan anga hmalakna kawngah tih sual a awm loh nan leh dan ang thlapa hremna te chak taka kalpui dan turte rel niin,Hnathawktu mahni mawhphurhna hlen tha lo emaw, duty ngaihthah emaw te, Deputy Commissioner/District Magistrate-in mipuite that tlanna tur atana khapna thupek hrang hrang a chhuahte zawm tha duh lo emaw, ngaihthah emaw an awm a nih chuan, a rang thei ang bera DC hnenah hriattir nghal tur niin,DC chuan Court-ah thlenin, Court chuan Police-te hmangin dan ngaihthahtu leh bawhchhetute chu manin, hremna an pe thin dawn a ni.

He Meeting-ah hian Addl. DC Pi Dorothy Muansangi, SDO (Sadar) Pi Rebecca Laldinmawii Hrahsel, SDC te bakah Chief Judicial Magistrate (Serchhip District) aiawh te, District Court Serchhip-a Addl. Public Prosecutor Pu Lalrosanga Colney leh Asst. Public Prosecutors te an tel a ni.