Serchhipah India ram zalenna chmpha Vawi 80-na '80th Independence Day 2026'Pu Vanlalhlana,Hon'ble Minister PWD.etc..hovin ropui taka hman ani

 Vawiin August Ni 15 , India Independence Day vawi 80-na  hi Serchhip Sport Complexah zing dar 10 khan Programme tan niin,Serchhipa  India ram zalenna champha Vawi 80-na '80th Independence Day 2026'khuallian nia hmanpuitu Pu Vanlalhlana,Hon'ble Minister PWD.etc chuan hnam puanzar pawt pharhin  Independence Day parade contigent  te chibai bukin  a chhanglet  ani.

Khuallian Pu Vanlalhlana chuan, mipui kalkhawmte ram zalenna ni puala chibai bukin Mizoram Sawrkar leh mipuite thawhhona zarah Serchhip District-in hmasawnna duhawm tak tak a neih thu a sawi a, District chhungah sawrkar inrelbawlna tha leh Administration felfai a awm theih nana Deputy Commissioner Office hmalakna hrang hrangte chu fakawm a tih thu a sawi a. Serchhip DC Office-in 'Serchhip District Plan & Project Monitoring System' (DPPMS) an duanchhuah chu India ram puma Good Governance, State Initiative Project Top 15 zingah thlan niin, Mizoram atanga thlanchhuah awmchhun a ni chu lawmawm a tih thute,khua leh tuite tana chhenfakawm tak, district dangte’n an la tih ve loh—NMBA Hriselna Kutpui leh ruihhlo ngai camping te buatsaih thin a ni chu thil tha leh intihhmuh chi tak nia a hriat thu  a sawi a,Serchhip District-a Sawrkar hmalakna hrang hrangte sawiin, Bana Kaih Scheme hnuaiah kumin chhungin Sawhthing cheng Nuai 748 man (Kg nuai 26.6) zet hralh chhuah a nih tawh thu te, CM Special Package leh Loan Component hmangin mi eng emaw zatin tanpuina an dawn tawh thu sawiin, Horticulture Department kaltlangin Pa chi Kg 650 zet district dangah hralh chhuah a nih thu leh UD&PA kaltlangin PMAY(U) hnuaiah chhungkaw 2,267 ten in ngelnghet an nei tawh thu te, PWD hmalaknain kawng thar Km 49.600 sial a nih bakah kawng black top Km 43.7 leh Cement-Kawng Km 161.172 a thui siam a nih thu te, fur kawngchhia avanga mipuite buai loh nan ei tur, buhfai leh a dangte dahkhawlna hmun hrang hrangah siam a, dahkhawl vek a nih thu te, tui hnianghnar hmuh theih nan N. Vanlaiphai Water Supply Scheme zawh fel a ni tawh thu te, Thentlang leh Buangpui-ah Solar Plant sak zawh fel a ni tawh thu te, power supply-a intodelh nan 10 MW thar theihna Thenzawl Solar Power Plant pawh sak zawh a nih tawh thute sawiin, heng hmasawnna hrang hrangte bakah hian khawtlang inrelbawlna tha awm theih nan sum leh thil dangte hmangin VC-te thuam chak an nih thu a sawi bawk.
Khuallian chuan, Zirna lamah Chhingchhip, Thenzawl leh DIET Serchhip-ah hostel leh Science Building sak mek a nih thu a sawi a; hriselna lamah District Hospital leh PHC 4 ten NQAS Certificate an hmuh bakah, damlo admit 95% chuang in MUHCS hamthatna dawngin mi 1,163 a thlawna enkawl an nih thu sawiin, nau chunga thi an awm lo tih a sawi bawk. Ruihhlo dona kawngah pawh Serchhip District chu an thawk tha hle tih a sawi a, ruihhlo leh dan lova thil tawlh ruk Vaibelchhe 140 Chuang man hu zet man a nih thu a sawiin Khawtlang him nana rikrum thil leh kangmei venna kawngah pawh Serchhip District-ah mimal anga rampum huap chawimawina dawngte an awm bakah, Leng khua-in state level-ah lawmman 1-na dawngin, Serchhip District-in District titha lawmman 2-na an dawn bawk thu a sawi a, heng hmasawnna hmel duhawm tak takte, hi sawrkar leh mipuite thawhhona that vang liau liau a ni tiin thawhhona tha vawng nung zel turin a sawm bawk.

Serchhip a Independence Day Vawi 80-na lawmna programme hi Lunglei West bialtu MLA T. Lalhlimpuia chuan khuallian tawiawm a telpuiin, Independence Day pual Infiamna hrang hrang buatsaih  a ti thate hnenah leh Parade Contigent  te hnenah lawmman a hlan/sem a,Serchhip Sport Complex a I-Day Programme hman zawh hian  Serchhip  DC Bungalow-ah sawm bikte pualin  'VIP At Home' hman nghal a ni bawk a ni.