Serchhip District Hospital building thar sak hna chak taka chhunzawm ani dawn

Lawma Ralte • August 10, 2026 • Comments

Serchhip Damdawi In sak hna chu chhunzawm leh mek anih thu Zoram People's Movement (ZPM) Serchhip Block chuan thuchhuah siam a tarlangin,Serchhip Damdawi In (District Hospital) Block-A sak hna Zamzo Construction ten an thawh chu hun engemaw chen chawlh lailawk a nih hnuah cheng nuai 34 hmuin an chhunzawm leh thu leh hemi bakah hian PGCIL atanga pawisa ruahman cheng vbc. 21 a tel lo, Public Parking siamna atan liau liau a Chief Minister, Bialtu MLA Lalduhoma'n a ruahman cheng nuai 125 chu tunkar chho hian tifel a, pekchhuah a nih leh dawn thu leh hna pawh chak lehzual kalpui chhoh a nih dawn thu tarlan ani bawk.

 Hei bakah hian Block-B (tuna sak mek Block-A chhakah) North East Special Infrastructure Development Scheme (NESIDS) sum cheng nuai 4800 in sak a ni leh dawn tih sawiin, “He hna thawk tur hian SR Construction te thlan fel a ni tawh a. Anni pawh hian hnathawh dan tur August ni 7, 2026 khan Engineer te nen an rawn enfel tawhin, Block-A sak mek nen hian indip buai lutuk lova hna thawh theih an inbeisei thu dawn a ni bawk