Serchhip DC-In Serchhip Little Flower Convent School(LFCS) Brass Band te chawimawi hun a hman pui.

Lawma Ralte • August 23, 2026 • Comments

 Serchhip District Deputy Commissioner Pu Paul L. Khuma chuan 80th Independence Day lawmnaa rimawi tuma lam remtu Little Flower Convent School Brass Band te chawimawina hun chu  DC Pisapui Hall-ah t7unkar liamta Zirtawp Ni(Dt 21st August 2026) khan buatsaihin,District Bawrhsap chuan LFCS Brass Band te chu  I-Day ti hlawhtlingtu pawimawh tak leh District timawitu an nih thu sawiin Assam Rifles-te remchan loh lai pawha tha taka rimawite tuma an lam thei chu lawmawm a tih thu a sawi a, school dangte tan pawh entawntlak an nih thu a sawi bawkin,Zirlaite leh zirtirtute chu chu an zirlai mai piah lamah kawng tinrenga hmasawn thei tura inzir zel tur leh,a tha zawnga danglamna thlentu ni tura ngaihtuahna thar 'innovative thinking' neih tum zel turin a fuih bawk ani.


He hunah hian SDC Pu Vanthangpuia chuan naupangte hnenah sawrkar inrelbawl dante leh DC Office hna thawh dan leh mawhphurhna hrang hrangte PowerPoint Presentation hmangin a tarlang a. Sub-Divisional Education Officer Pi Melody L.Betlu pawhin DC-in zirlaite hmasawnna a hriatpui chu ropui a tih thu a sawi bawk. 


LFCS Headmistress pawhin lawmthu sawiin he chawimawina hian inrintawkna leh thawhho duhna rilru (team spirit) nasa taka a pek thu a sawi a, Serchhip SDC Pi Lalchhanhimi'n lawmthu (vote of thanks) sawiin hun hi a khar a ni.