'SIR 2026' CHUNGCHANGAH ELECTORAL ROLL OBSERVER PI LALZARMAWII HOVIN SERCHHIPAH MEETING NEIH A NI

 Vawiin Dated 8th July 2026 khan Electoral Roll Observer Pi Lalzarmawii, Commissioner & Secretary, Social Welfare, Women and Child Development Department hovin, Serchhip District-a Special Intensive Revision 2026 kalpui mek chungchang leh Draft Electoral Roll buatsaih dan chungchangte sawi hona, Serchhip DC Meeting Hall-ah neih a ni.

Electoral Roll Observer chuan,SIR 2026 hmalaknaah Serchhip District chuan hna an thawk tha a tih thu sawiin, DC leh a thawhpuite bakah BLO leh thawktu dang zawng zawngte chungah lawmthu a sawi a. Draft Electoral Roll-a la chuang ve lo, khua leh tui dik tak, kum tling tawhte chu an chuan vek theih nan Draft Roll-ah siam that ngai a awm em tihte ngun taka en a, thawh hona tha tak nena hma la chhunzawm zel turin a chah a ni.

Pu Paul L. Khuma, District Election Officer chuan 'Electoral Roll dik leh felfai tak a awm theih nana BLO-te thawhrimna a fakawm tak zet a ni', a ti a. Election Branch-a thawk leh Department mite pawh, Office atanga thawk mai lovin, a tulna apiangah, a hmun ngeiahte intlawhchhuaka, an intawiawm thin thu sawiin, thawktute inpeknaah lawmthu a sawi bawk.

Pi Lalchhanhimi, Election Officer chuan SIR 2026-a Serchhip District a hmalak dan tlangpuite a lem nena entirin a sawi bawk.

Meeting-ah hian Pi Dorothy Muansangi, Dy. District Election Officer, Pi Rebecca Laldinmawii Hrahsel, ERO 27 Tuikum AC, Pu K. Lalhlimpuia, ERO 26 Serchhip AC, Dr. Marylin Lalruatkimi, ERO 28 Hrangturzo AC, Pu Vanthangpuia, AERO 26 Serchhip AC te bakah tlawmngai pawl hrang hrang hruaitute, Political Party aiawhte an tel a; zawhna leh chhanna hun hman a ni bawk.