NEET Exam paper put ru chungchanga lungawilohna lantirna -'Peaceful Protest'hmangin Serchhip-ah pawh zirlaite an pungkhawm

Lawma Ralte • July 23, 2026 • Comments

 Kumin-a NEET-UG exam zawhna put ru avanga Union Education Minister, Dharmendra Pradhan bang tura phuta Delhi khawpui Jantar Mantar-a pungkhawmte thlawpna lantirin vawiin  chawhma  khan  Mizo Zirlai Pawl Serchhip Hqrs te bultumin,Serchhip Bazar tualah Serchhip a Zirna In  hrang hrang a zirlai thahnemtak tak an pungkhawm.


 He punkhawm  hi Darchhawna,President MZP Hqrs Serchhipin kaihruaiin, MZP Serchhip  Hqrs Adviser Pu Kapliana Pachuau chuan thusawiin, kumin  mai nilo, kum dangah pawh NEET Examination paper pût-ru a lo awm fo tawh thu a sawi a,Examination paper pût-ru dona leh dem a, an dikna chanvo atana an bei zel tura zirlai kalkhawmte chu fuihin,zirna System tha zawk duanchhuah a nih ngei theih nan ke pen zel turin zirlai kalkhawmnte chu a sawm  thar leh bawk a ni.

He hun punkhawmah hian kumin-a NEET Exam kaihhnawih avanga nunna chan ta te sunna hun tawi hman niin Govt Serchhip College Student Union General Secy Malsawmtluanga kaihruaina in zirlai kalkhawmte chuan 'an dikna chanvo humhalh nana huaisen taka ke an pen zel dawn thute,''NEET Exam Question Leakout avanga mhni nunna la tute  chu sawrkarin zangnadawmna pe ngei tur a phutna thute' leh 'rampum huapa  dodalna   kalpui mek chu an thlawp tlat thute' banner/Placard a keng chungin an au rual ani.

Vawiina Serchhip a Zirna In hrang hrang a zirlaiten  NEET leh Exam dang engemaw zata Paper leak  thin avanga lungawihlohna -'Peaceful Protest' hun an hmanah hian zirlai 300 chuang an pungkhawm a ni