ERCHHIP DISTRICT-A ASSEMBLY CONSTITUENCY PATHUM-AHTE HEARING NEIH MEK A NI

Lawma Ralte • July 23, 2026 • Comments

 Nimin July 22 (Wednesday) atang khan Serchhip District-ah SIR 2026 neih meka chinfel/relfel ngaite rel fel hna (hearing) kalpui tan a ni a. Electoral Registration Officer leh Assistant Electoral Registration Officer ten Draft Electoral-a hming chuang, mahse kum 2005 E/Roll-a zawmpui nei lo (no mapping) te, zawmpui nei, mahse, an inziah dana felhhlel awmte (mapping with discrepancies) leh rinhlelhawm leh enfiah ngai nia hriatte bakah kum tling thar, siamthat duh leh insawn duh insawn dilnate endik a ni.


Nimin khan 26- Serchhip (ST) ah  hearing hi neih tan niin, 26- Serchhip (ST) AC hnuaia Polling Station pathum - Thenzawl – I; Thenzawl – III leh Thenzawl – IV te tan ERO Pu K. Lalhlimpuia leh AERO Pu Vanthangpuia hovin YMA Committee Room leh Vantawng YMA Run-ahte hearing neih lo ni tawh a,vawiin July 23 (Thursday) hian 26-Serchhip (ST) AC-in hearing hi an chhunzawm leh ani a, 27 -Tuikum (ST) AC hnuaia Polling Stations 23-Chhiahtlang I; 24-Chhiahtlang II; 25-Chhiahtlang III; 26-Chhiahtlang IV; 27-Chhiahtlang V te tan Chhiahtlang Kawn Veng YMA Hall leh Chhiahtlang North VC House ahte, ERO Pi Rebecca Laldinmawii Hrahsel leh AERO Pu Chawngthu Lalrinhlua te hovin hearing neih a ni a. 28 - Hrangturzo AC hnuaia Polling Stations N. Vanlalphai I, II, III leh IV tan ERO Dr. Marilyn Lalruatkimi hoin hearing neih a ni bawk.

Dilna hi August ni 4, 2026 thleng BLO te kaltlangin thehluh theih niin. ERO leh AERO ten hearing hi an nei pah zel dawn a ni.