MIGAHTA-in a huhova chawlh la

Adhoc High School zirtirtuten Provincialise phutin hmalakna na zawka kalpui an tum a. Thawhtanni leh Thawhlehni hian Mizoram pumah a huhova chawlh an la.

Mizoram Govt. Adhoc Aided High School Teacher’s Association (MIGAHTA) chuan sorkar hnenah an school-te dinhmun tha zawka hlang kai (Provincialise) tura an ngenna hmasa te tihpuitlin tak a nih loh bakah, sorkarin dan thar The Mizoram Education (Lumpsum Grants-in-Aid for General Maintenance of Private School) Rules siama dinhmun hniam zawk Lumpsum Grant-in-Aid-a dah an tum chu duh lohnain June 21, 2026

 atang khan lungawi lohna an lo lantir tan tawh ani.

MIGAHTA hian an thil phut nawr nan hian hmalakna hrang hrang an lo ruahman tawh a. Mizoram puma Adhoc High School 80 chuanga zirtirtuten July 21 leh 22, 2026 chhung khan badge dum lo bel tawhin, July 23 leh 24 khan ‘No Teaching Day’ hmangin zirtirna hna thawh an lo chawlhsan tawh bawk ani.

Heng an hmalakna hmasa ten awmzia a neih loh avangin vawiin  July 27 & 28, 2026 hian Mizoram pumah a huhoa chawlh lak (Mass Casual Leave) nei  leh in. Hemi chhunga sorkar atanga thu lawmawm an hmu lo a nih chuan, July 29 atanga 31, 2026 chhung hian Aizawl khawpui chhungah ‘Peaceful Sit-in Demonstration’ neih an tum bawk.

MIGAHTA hruaitute chuan heti chung pawha sorkar lamin an ngenna an ngaithla lo a nih chuan a aia na zawka hmalak zel an tum thu an sawi a. An hmalakna avanga mipui leh sorkar hotuten harsatna an tawn turah hriatthiamna ngenin, an thil phut hi thangthar sorkar hna zawng mekte tan pawh a pawimawh dawn avangin Mizo mipuite thlawpna an lo ngen tawh bawk a ni.