Serchhipah International Day Against Drugs Abuse and Illicit Tracfficking pual leh 'Nasha Mukt Bharat Abhiyaan -Viksit Bharat Ki Pachaan- 'Nasha Mukt Bharat Saptah (Ruihhlo Do beihpui thlak hapta) kharna pualin Programme hman ani

Lawma Ralte • June 25, 2026 • Comments

 Vawiin dt 25thJune 2026 khan Serchhip DC Pisapui Hall ah 'Drugs Free India'Campaign Programme = Nasha Mukt Bharat Abhyan (NMBA) hnuaia kalpui 'Nasha Mukt Bharat Saptah -Ruihhlo Do beihpui thlak hapta  kharna leh International Day Against  Drugs Abuse and Illicit Tracfficking  puala hun  buatsaih hi Pi Rebecca Laldinmawii SDO(Sadar) Serchhipin a  kaihruai a, Pu R Vanneihtluanga,DIPRO Serchhip hnen atangin 'NMBA Ruihhlo Do Hapta' hman anih chhung a District Level a chetchanna leh  hmalakna hrang hrangte power point presenation hmang a  report a pek te  ngaihthlak ani bawk.


He hun hmanpuitu  Serchhip Addl DC Pi Dorothy Muansangi chuan thusawiin,Miozram chu ruihhlo tamna ram  leh tawlh velna in min hual vel a,chuvangin ruihhlo la ti ve lo, kan tu leh fate atanga venhim leh zirtir a pawimawh  thu a sawi a,Ruihhlo dona kawngah hian  Sawrkar bakah, School , Kohhran leh NGO level ah te pawh  tha thlah lo a hmalak chhoh zel a pawimawh thu te,ruihhlo ngaiten simna nen nun kawng an rawn zawh chhohna turah ngaituahna seng tlang tura Koohran leh NGO te sawmin,Sawrkar Deptt hrang hrang te pawhin ruihhlo  Demand titlem tura tanrual a tul thu leh he ruihhlo kharna programme pawh  hi Ruihhlo Do kawnga  kan tha tichak lehzual tura chona leh bul tanna atan hmang turin  mipuite a  chah bawk.

He hunah hian Serchhip SP Pu Gavit Gogna,IPS pawhin ' International Day Against  Drugs Abuse and Illicit Tracfficking'Ni kan hman thin chu a pawimawh thu leh  ruihhlo do beihpui thlakna kawng a Serchhip Police te hmalakna leh tha tha thawhna  hrang hrangte sawiin,Tlawmngai Pawl (NGO) ten ruihhlo dona kawngah  Police te tanpuina ah lawmthu a sawi bakah  Assam Rilfles ,BSF te nen tangkawp a dan lova Damdawi ruihhlo leh zu  tawlhruk engemawzat an man tawh dante report a pe bawk ani.

Vawiin a Serchhip a Serchhipah International Day Against  Drugs Abuse and Illicit Tracfficking pual leh 'Nasha Mukt Bharat Abhiyaan -Viksit Bharat Ki PAchaan- 'Nasha Mukt Bharat Saptah (Ruihhlo Do beihpui thlak hapta) kharna pualin Programme  hmanah hian  Serchhip a sawrkar Pisa hrang hrang  atang te,NGO hrang hrangte leh chasnchinbumite  telin, Pi Lalchhanhimi Election Officer Serchhip kaihhruaina in Ruihhlo  laka fihlim tur leh ruihhlo do na kawnga theihtawp chhuah tura intiamna ( Pledge)sawi/chham rual niin,'Nasha Mukt Bharat Abhiyaan -Viksit Bharat Ki PAchaan- 'Nasha Mukt Bharat Saptah (Ruihhlo Do beihpui thlak hapta) pual a 'Slogan Writing Competition' buatsaih a tihtha hnenah lawmman sem  ani bawk ani.