Kumin 2026 chhunga Serchhip District-a African Swine Fever (ASF) vanga Vawk thi leh suat chu 1600 aiin a tam tawh

 Serchhip-a AH & Vety Department ten an chhinchhiahna atanga a lan danin nimin khan Serchhip District-ah ASF vanga Vawk thi chhinchhiah thar 24 awmin Vawk suat chhinchhiah 14 a awm bawk a, Vawk thi chhinchhiah thar te hi Chhingchhip-ah 16, Chhiahtlang-ah 5 leh Hriangtlang-ah pathum te a ni a, Vawk suat an chhinchhiah te hi Chhingchhip-ah 8, Hriangtlangah 5 leh Serchhip P&E Veng-ah pakhat te a ni a. Heti hian kumin chhung hian Serchhip Districta Veng leh khua 18-a chhungkaw 363 te chuan ASF vang hian harsatna an tawk tawh a, Vawk thi 958 awm tawhin Vawk 651 suat a ni tawh bawk. Kumin a ASF hri lenna khaw hrang hrangah hri tuartu tamna ber chu Serchhip P&E Veng niin chhungkaw 43 in a tuar tawh a, Vawk thi 115 a awm tawh bakah Vawk 51 suat ni tawh bawkin hri leng tuar na ber an ni mek a ni.