Khawvel puma ruihhlo dona ni "International Day Against Drugs Abuse and Illicit Trafficking 2026" pualin Excise & Narcotic Department buatsaihin Serchhip khawchhung a YMA Branch te tan dan leh hrai chungchang inhrilhhriatna-Awareness Campaign neih a ni

 Vawiin Dt 26thJune 2026 chawhma dar 10:00 khan he hun hi Sub Hqrs YMA Hall Serchhip Bazar ah hman niin, Pu PC.Lalropuia, Asst Commissioner, E&ND Serchhip chuan a kaihruai a, Pu PC.Vanlalluna, President , Sub Hqrs YMA chuan inlawmna thu a sawi bak ah,YMA in "Ruihhlo do" Kumpuan a a neih angin dan hnuai ah theihtawp a ruihhlo do kawnga hmalak a tulzia leh khawtlang hruaitu leh Department te nen tan ho a tulzia te a sawi a he huna kalkhawmte chu a hrelo zawkte hrilh hretu ni turin a chah bawk.

He hunah hian SI B.Lalengmawia, E&ND hnen atangin , International Day Against Drugs Abuse & Illicit Trafficking 2026 thupui,  " World Drugs Problem:persisting issues, new challenges, innovative response" tih chu sawiin, ruihhlo do kawnga NGO te tih theih leh Dan leh hrai hriattur pawimawh te a sawi a, NGO te nen a thawh ho that a tul chungchangte sawiin, zawhna leh chhanna bak ah sawihona hun hlawkthlak tak hman a ni bawk.

Vawiin a International Day Against Drugs Abuse & Illicit Trafficking pual a hun hmanah hian Serchhip khawpui chhunga YMA Branch hrang hrang aiawh leh Sub Hqrs Executive Memberte an tel a ni.