HOME MINISTER PU K. SAPDANGA’N CHHIAHTLANG DAI A SERCHHIP DISTRICT JAIL TLAWHIN, SASCI HNUAIA JAIL THAWM THAHT HNA THAWH MEKTE A ENFIAH

Posted by on

 Vawiin Dt 02/06/2026  khan Home Minister Pu K. Sapdanga chuan Serchhip District Jail tlawhin, Jail thawmthat leh tih changtlunna hna hrang hrang thawh mekte a hmunah a enfiah a. Home Department Secretary Pu Vanlalmawia leh Serchhip District Superintendent of Police Pu Gavit Gogna te bakah sawrkar official-te'n an tawiawm a ni.


Distirct Jail-a tlawhnaah hian Home Minister Pu K. Sapdanga chuan thu sawiin, 'Mizoram District hrang hrang a tlawh tawhte zingah Serchhip District Jail chu a fel faiin, mit a kham lo ber awm mang e aw' a ti a. Jail building sak that hna hrang hrang thawh mekah, a thawktu PWD leh Contractor-te chu theihtawp chhuah zui zel turin a chahin, Sawrkar hna hrang hrang zingah mihring enkawl, a bikin sualna kawnga tlu tawh Jail tangte enkawl chu, hna hautak leh pawimawh em em a nih thu a sawi a. Jail chu mihring tha lote rilru leh taksa siam ṭhatna hmun a nih avangin, a hmingah pawh 'Prison and Correctional Services' tia thlak a nih tawh thu sawiin, mi tangte chu rilru lamah chauh ni lo, taksa lamah pawh an lo hrisel zawk theih nan Medical Staff-te'n regular taka an tlawh thinna turin, hma lak zui zel a nih tur thu a sawi bawk.

Serchhip District Jail sak that leh tih changtlun hna hi SASCI 2024-2025 hnuaiah Rs. 3.7 Crore hu senga thawh mek a ni a. Administrative Building thawm ṭhat leh zauh belh hna te, Multipurpose Hall leh Barrack thar sak hna te, mi tang thenkhatte khung hranna tur Segregation Cell leh Skill Training-na tur Vocational Hall sak hnate bakah, Guard Duty Post leh MI Room tih zauh hna te, Male Ward - 2 (1st floor) leh Chapel sak ṭhat hna te, Staff Quarters leh Superintendent Quarters sak hnate thawh mek a ni.

Vawiin hun hmannaah hian Home Department Secretary Pu Vanlalmawia pawhin thu sawiin, Jail tangte hriselna ngaih pawimawh a tul thu leh Medical duty ngaih pawimawh a tul thu te leh Jail vengtute tan, mi tangte enkawl dan leh thil hrang hrangahte training ngaih pawimawh a tul thute a sawi bawk

Comments

Post a Comment

Popular posts from this blog

Lungkawlh leh N.Vanlaiphai khaw inkarah Heroin Hawng 91 zet man a ni !!

Posted by on
Image
  Serchhip District chhunga Lungkawlh ram ah niminpiah  khan Heroin nia hriat Hawng 91 zet man a ni a, hemi kaihhnawih ah hian mi pahnih man an ni bawk. Serchhip Police District Special Branch (DSB) leh Mizoram Police CID (SB) Serchhip Sector bakah Border Security Force (BSF) 34 Bn. Dawngzawl leh Addl. Field G Team, Lunglei te chuan an thudawn bawhzuiin nimin khan Joint Operation neiin Serchhip District chhung Lungkawlh leh North Vanlaiphai inkar, Lungrawlh ram-a Thingpui Huan Mual-ah Heroin nia hriat Kenbo Bike-a rawn phurh Hawng 91 hi an man a, ruihhlo te hi Myanmar atanga rawn lakluh nia hriat niin hemi kaihhnawih ah hian Chaksangthanga (29), Dawn, Myanmar leh Robinson (29), Ruabuk, Myanmar nia inchhalte pawh man nghal an ni a, thubuai siam sak an ni.  Heng Heroin nia hriat an man hi a vaiin gram 1129.39 (kg. 11.293) niin Rs. 225,87,800/- man nia chhut a ni
Kimchang zawkin »

Serchhip-a Bharti Gas hmangtute chuan July 2026 chhunga an Cylinder leh Consumer Card te thehlut tura tih an ni..!

Posted by on
Image
  New Serchhip Venglai-a inbun Bharti Gas hian a tirah mipuite hnenah Supply tha tak nei thin mah se, tunah erawh Gas pek tur an neih tawh loh avangin an consumerte’n harsatna an tawk a. He harsatna chungchang hi Serchhip District Consumers Association chuan Serchhip District Magistrate hnenah thlenin nimin khan District Magistrate kaihhruaina in Bharti Gas aiawh leh District Consumer Association aiawhte chuan Bawrhsap Pisa-ah an sawiho a ni.  He thutkhawmah hian Consumer Association-te rawtna. Consumer-te’n an Gas cylinder-te pek let a, an lo insenral tawhna te pek let nise tih chu Serchhip-a Bharti Gas Dealer-te chinfel theih piahlam thil a nih avang leh Court case kallai anih avangin Court thutlukna ngaihchan nise an ti a. Bharti Gas Agency-te chuan karleh June ni 6 hmain an Consumer list-te an submit ang a, Bharti Gas consumer-te chuan July thla chhungin, Bharti Gas ten Collection Centre an siamah an Cylinder leh Consumer Card te an thehlut ve leh ang a, Bharti Gas Cylinde...
Kimchang zawkin »

Serchhip District Covid-19 update -- Serchhip District ah Covid -19 Positive enkawllai 27 (DCHC-5, CCC- 22) leh Govt. Quarantine Facility a awm mek (Khunghran) Mi 81 an ni

Posted by on
  Vawiin Dt 31st Aug2020 khan Govt Quarantine Facilities Centre-(Thenzawl Tourist Lodge ) khunghran mekte zingah  Inkhunghranna hun hmang zo  mi 4 chu chhuah tir  leh niin , tun dinhmun ah, Covid-19  avanga sawrkar inkhunghranna siam – Govt Quarantine Facilities Centre ah mi 81 khunghran mek  niin, Covid 19 positive te enkawlna hmun tur a buatsaih District chhung a  Covid Care Centre pathum  ah Positive  enkawllai  mi 27 (Ayush Hospital, Thenzawl - 10, SIRD Hostel-5, Nursing School -12 )an awm mek bawk  ani.
Kimchang zawkin »