Latest Post

Lungkawlh leh N.Vanlaiphai khaw inkarah Heroin Hawng 91 zet man a ni !!

Posted by on
Image
  Serchhip District chhunga Lungkawlh ram ah niminpiah  khan Heroin nia hriat Hawng 91 zet man a ni a, hemi kaihhnawih ah hian mi pahnih man an ni bawk. Serchhip Police District Special Branch (DSB) leh Mizoram Police CID (SB) Serchhip Sector bakah Border Security Force (BSF) 34 Bn. Dawngzawl leh Addl. Field G Team, Lunglei te chuan an thudawn bawhzuiin nimin khan Joint Operation neiin Serchhip District chhung Lungkawlh leh North Vanlaiphai inkar, Lungrawlh ram-a Thingpui Huan Mual-ah Heroin nia hriat Kenbo Bike-a rawn phurh Hawng 91 hi an man a, ruihhlo te hi Myanmar atanga rawn lakluh nia hriat niin hemi kaihhnawih ah hian Chaksangthanga (29), Dawn, Myanmar leh Robinson (29), Ruabuk, Myanmar nia inchhalte pawh man nghal an ni a, thubuai siam sak an ni.  Heng Heroin nia hriat an man hi a vaiin gram 1129.39 (kg. 11.293) niin Rs. 225,87,800/- man nia chhut a ni
Post a Comment

SIR-2026 ATAN INBUATSAIHNA KAL ZELAH POLITICAL PARTY HRANG HRANG AIAWH BOOTH LEVEL AGENT (BLA) TE PUALIN SERCHHIP, THENZAWL, E. LUNGDAR LEH N. VANLAIPHAI-AH TE TRAINING BUATSAIH A NI

Posted by on

 





 Special Intensive Revision (SIR) 2026 atana inbuatsaihna kal zelah Political Party aiawh - Booth Level Agent-te pualin Serchhip District chhunga khaw pali – Serchhip, Thenzawl, East Lungdar leh North Vanlaiphai-ah te nimin khan training buatsaih niin,Training-ah  hian political party hrang hrang aiawhte an tel tha hle a ni.


Training hawnna inkhawm Serchhip-a neiah Election Officer Pi Lalchhanhimi chuan thu sawiin, dik tak leh langtlang (transparent) taka SIR chu kalpui tur a nih thu a sawi a, thlei bik nei lova Electoral Roll-a hming chuang tur dik takte, an inziah luh vek theih nan, Booth Level Agent-te chu an pawimawh hle a ni a ti a. Election Commission of India pawhin a ngaih pawimawh thu sawiin an mawhphurhnate tha taka hlenchhuak theuh turin duhsakna a hlan a ni.


Assistant Electoral Registration Officer (AERO) & District Level Master Trainer Pu Vanthangpuia'n Serchhip-a BLA Training-ah hian zirtirna a pe a; Thenzawl-ah  chuan Pu K. Lalhlimpuia, ERO-in zirtirna pein, E. Lungdar, N. Vanlaiphai-ah ERO Pi Marilyn Lalruatkimi'n zirtirna a pe bawk ani.


Training-ah hian Special Intensive Revision thil tum leh inkaihhruaina te, field-level-a enumeration leh verification kalpui dan tur chungchang te, BLO te nena thawh ho dan tur leh thil pawimawh chi hrang hrangte inzirtirna neih a ni nghal bawk  ani..

Comments

Post a Comment

Popular posts from this blog