Latest Post

SERCHHIPAH UJJWAL BHARAT - UJJWAL BHAVISHYA POWER AT 2047 (KAWLPHETHA KUT) HMANG

 Dt 28th July, 2022 khan India ramin zalenna a hmuh champha kum za na kum 2047 a Power intodelh (independent) neih hman tuma hmalakna Ujjwal Bharat - Ujjwal Bhavishya Power @ 2047 chungchang inhrilhhriatna, "Kawlphetha Kut" chu Serchhip P&E YMA Hall ah buatsaih a ni a. Pi Nazuk Kumar, IAS, Serchhip bawrhsap chu khuallian a ni.


Khuallian Pi Nazuk Kumar chuan, Ujjwall Bharat - Ujjwall Bhavishya awmzia chu "mamawh khawp power neih a, hmakhaw duhawm tak neih" tihna a ni ber a, kan nitin nunah, zirnaah te, hriselna lam leh hospital ah te, kawng tinrengah power hnianghnar kan mamawh a, Mizoram pawh tlangram anih avangin tuilakna leh a semdarhna kawng thlengin power hnianghnar kan mamawh a ni. Chu kan mamawhna phuhruka kan hnianghnar power kan neih theih nan sawrkar laipui chuan hmalakna ropui tak a kalpui ta a ni, tiin kan ramin he ruahmanna a mamawh dan a sawi a. Mitinin power hnianghnar kan neih theih nana a semdarhna leh a inthlunkhawmna tha kan mamawh dante pawh tarlangin, sawrkarin ruahmanna a duan tlangpui a tarlang bawk. Power renchem thiam hi a pawimawh em em tih mipuiten hre reng ila, kan hman tangkai loh lai chuan kan bulb te off zel ila, midangten chu chu an lo hmang tangkai thei a ni. Tuna kan neihsa pawh hi renchem zawka mipuiten kan hman thiam chuan dinhmun tha zawkah kan ram hi a ding thei a ni tiin mipuite a chah a. Power Grid Corporation of India Limited in Serchhip district hospital sakna tur sum tam tham tak CSR atanga min pek avangin lawmthu ka sawi thar leh a ni, a ti bawk.

He hunah hian Er. Laltlanthanga, Sr. EE, Serchhip Power Division leh he hmalakna District Nodal Officer ni bawk chuan kut an hmanchhan leh a thiltumte sawifiahna a nei a. Sawrkar laipui chuan India ramin zalenna a hmuh champha phak kum za naah chuan rorelnaah mai nilova kawlphetha siamchhuahna lamah pawh mahnia intodelh famkim ram anih theih nan ruahmanna a siam a. He hmalakna tihpuitlin kawngah hian ram mipuite an pawimawh a, mawhphurhna tam tak kan neih avangin chu kan mawhphurhna inhrilhhriat nan he hun hi buatsaih a ni, tiin he Ujjwall Bharat - Ujjwal Bahvishya Power @ 2047 kalpui a nih chhan tlangpui a tarlang a. A kalpui chhoh dan tur sawrkar ruahmanna tlangpui pawh a sawifiah bawk.

He hunah hian chhungtinten electric khamkhawp an neih theih nana rampum huapa sawrkar hmalakna chanchinte, thingtlang electric la nei ngai lote electric pawhluh sak an nih dante, kawlphetha semdarh dan tha kalpui mek te, Ni eng chakna hmanga power tam zawk siam a pawimawhnate leh Consumer te chanvo inhrilhhriatna video thlir hona neih a ni. New Serchhip SAY ten Drama hmuhnawm leh bengvarthlak tak an entir bawk.


Comments

Popular posts from this blog

Synod Moderator in Family Guidance & Counselling Centre Serchhip, Counsellor Quarters hawng

Kum tamtak chhung Keitum Branch YMA ten an lo humhalh Tuichang Lui a Sangha te Nghakuai hmanga manna hun hawng,mipuiten an hlut hle