Latest Post

SERCHHIPAH UJJWAL BHARAT - UJJWAL BHAVISHYA POWER AT 2047 (KAWLPHETHA KUT) HMANG

Image
  Dt 28th July, 2022 khan India ramin zalenna a hmuh champha kum za na kum 2047 a Power intodelh (independent) neih hman tuma hmalakna Ujjwal Bharat - Ujjwal Bhavishya Power @ 2047 chungchang inhrilhhriatna, "Kawlphetha Kut" chu Serchhip P&E YMA Hall ah buatsaih a ni a. Pi Nazuk Kumar, IAS, Serchhip bawrhsap chu khuallian a ni. Khuallian Pi Nazuk Kumar chuan, Ujjwall Bharat - Ujjwall Bhavishya awmzia chu "mamawh khawp power neih a, hmakhaw duhawm tak neih" tihna a ni ber a, kan nitin nunah, zirnaah te, hriselna lam leh hospital ah te, kawng tinrengah power hnianghnar kan mamawh a, Mizoram pawh tlangram anih avangin tuilakna leh a semdarhna kawng thlengin power hnianghnar kan mamawh a ni. Chu kan mamawhna phuhruka kan hnianghnar power kan neih theih nan sawrkar laipui chuan hmalakna ropui tak a kalpui ta a ni, tiin kan ramin he ruahmanna a mamawh dan a sawi a. Mitinin power hnianghnar kan neih theih nana a semdarhna leh a inthlunkhawmna tha kan mamawh dante pawh

Pu Michael Zothankhuma Judge,Gauhati High Court, Aizawl Bench in Serchhip District Court a tlawh

 Dt 4th July 2022 khan  Honourable Justice, Pu Michael Zothankhuma, Portfolio & Station Judge, Guwahati High Court, Aizawl Bench chuan Serchhip District Court endikin a tlawh  a, District Court ah  hian Pu Lalmuansanga Ralte,  Deputy Commissioner, Pi Renee Lalremsiami, Judicial Magistrate,  Pu Saidingliana Sailo, Addl. SP, Pu K. Saitluanga, DIPRO, Pu. B. Ngurchhuana, Asst. Commissioner of Excise & Narcotics, Pu Laldingliana, Superintendent, District Jail leh District Court-a thawktuten  lo dawngsawngin Court Room ah inkawm hona hun tawi an nei  a ni.


He hunah hian Justice Michael Zothankhuma chuan, dan angin district Court endikna neia a lokal thu sawiin, Court in file a kalpuite, Case awm mekte, District Court in mamawh a neih leh Quarters te, hmabak a neih hrang hrangte a rawn en tih a sawi a. Justice hian District Jail dinhmunte, harsatna an neih leh neih loh te, Police Department in District Court nena an thawh hona kawngah harsatna an neih leh neih loh te, Excise & Narcotics Department lamin Court nena an indawrna kawngah harsatna an neih leh neih lohte zawtin, officers hote nen an sawi hova, National Highway No. 54 laihzauh hna thawh mek chungchangte pawh an sawi ho bawk a ni.

District thuneitute nena inkawmna an neih hnu hian Court Inspection a nei zuiin, District Court a Ukil hnathawk mekte nena inkawm hona te neiin an mamawh hrang hrangte a zawt a, District Court file a kalpuite a en sak bakah mamawh an neih hrang hrangte a enpui hnuin Khawtetlanga Quarters te a tlawh tel leh bawk a ni.

Justice Pu Michael Zothankhuma hi Pu Biakzama, District & Session Judge, Aizawl Judicial District leh Pi Gracy L. Bawihtlung, Jt. Registrar, Guwahati High Court leh thawktu dangten an rawn tawiawm a ni.




Comments

Popular posts from this blog

Synod Moderator in Family Guidance & Counselling Centre Serchhip, Counsellor Quarters hawng

FAI Cat-II International Paragliding Accuracy Chapionship, 2020, Mizoram, India tluang takin zo fel

Kum tamtak chhung Keitum Branch YMA ten an lo humhalh Tuichang Lui a Sangha te Nghakuai hmanga manna hun hawng,mipuiten an hlut hle