Latest Post

SERCHHIPAH UJJWAL BHARAT - UJJWAL BHAVISHYA POWER AT 2047 (KAWLPHETHA KUT) HMANG

Image
  Dt 28th July, 2022 khan India ramin zalenna a hmuh champha kum za na kum 2047 a Power intodelh (independent) neih hman tuma hmalakna Ujjwal Bharat - Ujjwal Bhavishya Power @ 2047 chungchang inhrilhhriatna, "Kawlphetha Kut" chu Serchhip P&E YMA Hall ah buatsaih a ni a. Pi Nazuk Kumar, IAS, Serchhip bawrhsap chu khuallian a ni. Khuallian Pi Nazuk Kumar chuan, Ujjwall Bharat - Ujjwall Bhavishya awmzia chu "mamawh khawp power neih a, hmakhaw duhawm tak neih" tihna a ni ber a, kan nitin nunah, zirnaah te, hriselna lam leh hospital ah te, kawng tinrengah power hnianghnar kan mamawh a, Mizoram pawh tlangram anih avangin tuilakna leh a semdarhna kawng thlengin power hnianghnar kan mamawh a ni. Chu kan mamawhna phuhruka kan hnianghnar power kan neih theih nan sawrkar laipui chuan hmalakna ropui tak a kalpui ta a ni, tiin kan ramin he ruahmanna a mamawh dan a sawi a. Mitinin power hnianghnar kan neih theih nana a semdarhna leh a inthlunkhawmna tha kan mamawh dante pawh

Serchhip damdawi In-a khum tin bulah Oxygen hip theihna tur bun fel a ni

Serchhip Damdawi In-a damlo awm ten awlsam zawka Oxygen an hmuh
theihna tura Khum awmna tin-a Oxygen pipe vuah hna chu nimin khan
zofela hlawhtling taka enchhin a ni a. He khawl hi pangngai taka hman
theih a nih chuan khawdang atanga Oxygen lak ngai thin chu zaa 80 vel
chhawk thei tura ngaih a ni.
Mizoram sawrkar in Serchhip District Hospital tihchangtlunna tura hma
a lakna kal zelah Serchhip District Hospital a damlo ten awlsam zawka
Oxygen an hmuh theihna tur atan hian sawrkar chuan Oxygen pekchhuahna
khawl rawn bunin he khawl atang hian damdawi In Ward hrang hranga khum
zawng zawngah Oxygen pipe line dahin Oxygen lakna tur point, Oxygen
Outlet chu khum awmna tin bulah dah vek a ni a, heta tang hian damlo
te chuan an mamawh hun ang zelah Oxygen hi awlsam takin an hmu thei
tawh dawn a ni.
 He khawl bun tur hian cheng nuai 44 ruahman niin Hospital Supply
Company Pvt. Ltd., Kolkata ten a bun hna hi an rawn thawk thung a, he
khawl hi Power Supply a awm chuan tinungin engtik lai pawhin Oxygen
litre 80 pechhuak thei tura ngaih a ni a, hetianga hna a thawk thei a
nih chuan Serchhip Damdawi In-a khum zawng zawngte chuan a rualin
Oxygen hi hip thei tura ngaih a ni a, hei hian tuna Damdawi In-a hman
tir Oxygen hmundang ami lei thin chu zaa 80 velin a tihniam thei tura
ngaih a ni tih thawktute chuan an sawi a. He khawl hi tangkai zawka
hman a nih theihna turin a \ul anga Generator pawh la ngaihtuah a tul
dawn thu thawktute chuan an sawi bawk.
 Tuna hmalakna ah hian Oxygen Outlet hi 40 siam niin Casualty, Inzaina
pindan, TRAUMA Ward, Nau neihna Ward, Cabin pathum leh Mipa leh
Hmeichhe Ward-a khum tinah dah a ni a, he hna thawktu te chuan hetiang
khawl bun hna hi Aizawl, Lunglei, Siaha leh Champhai-ah te zo tawhin
nimin-a Serchhip-a an zawhfel bakah Lawngtlai-ah hna thawh mek a nih
thu an sawi bawk.


Comments

Post a Comment

Popular posts from this blog

Synod Moderator in Family Guidance & Counselling Centre Serchhip, Counsellor Quarters hawng

FAI Cat-II International Paragliding Accuracy Chapionship, 2020, Mizoram, India tluang takin zo fel

Kum tamtak chhung Keitum Branch YMA ten an lo humhalh Tuichang Lui a Sangha te Nghakuai hmanga manna hun hawng,mipuiten an hlut hle