Serchhip District Bawrhsap Pisa hmalakna a Serchhip District chhunga National Highway-02 thawmthat hna enzui mekah nimin tlai khan Serchhip khawpui heltu-'Serchhip by-pass Road 'dinhmun enfiah leh a ni.

 Tun dinhmunah Serchhip by-pass Road a kawng khuar leh lirthei tana zawh harsa zualpui chu lung hmanga hnawh ni tawhin lirthei lian leh a te chi tan pawha zawh harsa lutuk leh lirthei tan theihna tur chi a awm tawh lo niin lang mahse, kawng hnawh belh ngai erawh ala awm nual thung niin a lang a, Fur ruahtui tlak lai a nih avangin kawng hi chhe thut thei dinhmunah ala din avangin Contractor te chu uluk taka vil zui reng tura tih an ni a,Kumin hian Serchhip by-pass Road-ah hian leimin awm meuh lovin kawng tichhe thei dang te pawh nimin khan thlirho a ni a, heng an thil hmuh dan hrang hrangte hi Vawiin khan Bawrhsap hovin sawiho leh tur a ni bawk.

Serchhip Bawrhsap Pisa lamin ruahmanna an siam angin, Serchhip District-a National Highway-02 dinhmun enfiah hna kal mekah hian August 22, 2026 atang khan Serchhip By-pass Road, Kikawn to Sailiamkawn thawmthat hna hi thawh tan a ni a, ni 7 chhunga zawhfel hman tura ruahman niin hna zawhfel hun tiam chu Inrinni kalta kha niin,nimin khan Serchhip DC Office-a SDC, Chawngthu Lalrinhlua hovin DC Office-a thawk te bakah NHIDCL leh an Contractor, KRAM Infracon Pvt. Ltd. bakah Joint VC, YMA leh MJA Member ten kawng dinhmun hi an enfiah leh a ni.