District Hospital Serchhip ah damlo Khum dah belh ani

 District Hospital Serchhip-building thar sakmek anih lai a damlo te telo awm lailawkna tur  Makeshift Building sak thar chu hman tan ni ta in, Khum 12 dah a ni a,heti hian District Hospital Serchhip-ah hian Khum 41 a awm ta a ni.

District Hospital Serchhip-a thawktute chuan Makeshift Building thar hi Medicine Ward atan hman mek a ni tih sawiin,a hmaa Medicine Ward atana hman thin,TRAUMA Building a mi chu Gynae Ward atana hman a nih dawn bakah Postnatal Ward atan leh Neonatal Ward atan hman tura ruahman a ni tih an sawi a. Hetianga Ward siamrem a nih hnu hian TRAUMA Ward-ah Khum 10; Medicine Ward-ah khum 12; Paediatric Ward-ah khum 9; Gynae Ward, Postnatal Ward leh Neonatal Ward-ah khum 10; a vaiin khum 41 a awm tawh dawn a, hei bakah hian CD (Clinical Decision) Observation-ah khum pahnih awm bawkin hemi nen hian a vaiin khum 43 a awm thei dawn ta a ni.

Tarlan tawh angin District Hospital Serchhip-a Makeshift Building hi Lok Sabha MP in MP Fund cheng nuai 20 a pek bakah NEDFi CSR Fund atanga sum hmuh cheng nuai 17.3 senga sak niin,District Hospital Serchhip sak hna thawh mek a nih avanga Khum indaihlohna awm mek sutkianna tura Serchhip Joint VC te hmalakna a sak hi  Serchhip Bialtu MLA leh  Chief Minister ni bawk Pu Lalduhoma’n Kumin June 15-khan a lo hawng tawh a,Makeshift Buildingah hian  khum 15 awmna tura ruahman ani a,tun dinhmun ah khum 12 dah rih phawt niin,a chhawng hnuai ah khum 6 leh a chungah khum 6 bawk dah thar ani ta a ni.