Tunlai ruahsur nasa avang leh NHIDCL kawnglaihna leivung avangin Serchhip Zawlpui Phai a Leilet leh Nul siamtu thenkhattte tan harsatna an tawk mek.

Tunhnai ruahsur nasa tak khan  Serchhip leh Keitum inkar a  NHIDCL kawnglaihna leivung  paih  te chuan  Serchhip Zawlpui phai lu lam/tawntirh  (Lumtui Zau) a Leilet   siamtute  tan harsatna  siam sakin,Leilet  Bial thenkhatah te  Leivung/Chirh  nasa takin a lut a, hei hi leitha  pangngai anih loh  avangin Buh chin  nan a hman tlak dawnloh thute,leivung/chirh te hi paih chhuak vek tur  chuan hautak  hle dawn thute bakah Leilet Tuikawng thenkhatte te pawh  kawnglaihna Leivungin a hnawh pin sak   vek  bawk chu pawi an tih thu Leilet neitute chuan an sawi bawk.

Heng bakah hian,Tunhnai Nikir ruahsur nasa avang khan  Zawpui phai hmun  hniam zawka  Thlai hnah leh rah chi hrang hrang   tharchhuah thinna -Nul tam zawk  chu tui lian hian  chim vekin,,Zawlpui phaia Leilet  thenkhatte pawh Mat Lui lian hian buh phunna tura Lei leh phut  tawh , kawi tura  an ruahman mek te, Leilet a  phun tur, Buh chi an  kui tiah tawh engemawzat  a chim  chhiat bakah, Leilet Thlam thenkhatte  chu vawiin thleng khan Tui lian hian   ala  chim  rih a,tuilian hian  Bial ko thenkhatte a tihchhiatsak  thu leh tui lianin in  a rawn  ken tel,Leilet bial chhunga a hnutchhiah tak  chirhte chu Leivung/Lei chhia mai mai anih avangin,Buh phunna tlak anih dawn loh thu leh  heng chirh te paihchhuah /thenfai hna chu thil hautak tak anih dawn thu  Zawlpui Field Management Committee (FMC) hruaitute chuan an sawi bawk a ni.