Latest Post

SERCHHIPAH UJJWAL BHARAT - UJJWAL BHAVISHYA POWER AT 2047 (KAWLPHETHA KUT) HMANG

Posted by on
Image
  Dt 28th July, 2022 khan India ramin zalenna a hmuh champha kum za na kum 2047 a Power intodelh (independent) neih hman tuma hmalakna Ujjwal Bharat - Ujjwal Bhavishya Power @ 2047 chungchang inhrilhhriatna, "Kawlphetha Kut" chu Serchhip P&E YMA Hall ah buatsaih a ni a. Pi Nazuk Kumar, IAS, Serchhip bawrhsap chu khuallian a ni. Khuallian Pi Nazuk Kumar chuan, Ujjwall Bharat - Ujjwall Bhavishya awmzia chu "mamawh khawp power neih a, hmakhaw duhawm tak neih" tihna a ni ber a, kan nitin nunah, zirnaah te, hriselna lam leh hospital ah te, kawng tinrengah power hnianghnar kan mamawh a, Mizoram pawh tlangram anih avangin tuilakna leh a semdarhna kawng thlengin power hnianghnar kan mamawh a ni. Chu kan mamawhna phuhruka kan hnianghnar power kan neih theih nan sawrkar laipui chuan hmalakna ropui tak a kalpui ta a ni, tiin kan ramin he ruahmanna a mamawh dan a sawi a. Mitinin power hnianghnar kan neih theih nana a semdarhna leh a inthlunkhawmna tha kan mamawh dante pawh
Post a Comment

COVID-19 HRI LENG VANGA HMUN DANG ATANGA LO KIRTE PUALA EIZAWNNA INZIRTIRNA(LIVELIHOOD GENERATION FOR RETURNED MIGRANT WORKER DUE TO COVID-19)HAWNNA SERCHHIPAH NEIH A NI

Posted by on

 Dt 4th MAy2022  khan Serchhip District Panchayati Resource Centre ah ,Mizoram Youth Commission(MYC) hmalakna hnuaia Covid19 hripui avanga state danga thalai hnathawk lokir Serchhip district a mite tana eizawnna peng hrang hrang inzirtirna (Livelihood Generation for returned Migrant Workers due to Covid19)  hawnna neih ani.


A hawnna inkhawm tawi hi Pi Lalzikpuii, MCS, SDO Sadaar Serchhipin kaihruaiin, hunrei tak kal tawhah  training hi neih tura ruahmanna  awm mah se Serchhip District chu Covid19 in a chim rei avangin a huntakah  neih theih anih takloh thute, Hetiang training hi district zawng zawngah pawh  neih tura Mizoram sawrkarin a duan thu leh  hemi  atan hian district tinah hian Core Committee pawh din vek a nih thu a tarlang bawk a ni.

He Training hawnna  inkhawm tawi a Khuallian , Pu Lalmuansanga Ralte, MCS, Addl. DC chuan, thiamna hi theihna min petu, mi tangkaia min siamtu, kan nun tihlutu a ni a, thiamna leh hriatna ngainaa theihtawp chhuaha zawngtute chu reiloteah an thiante zinga mi hlawhtling, puitling hmasaah an lo chhuak mai thin a ni. He training ah pawh hian eizawnna tlak thiau thiam thil chi thum kan inzirtir dawna, a ti mai mai lote tan chuan eizawn zuina tlak a tling ngei ngei dawn. Chuvang chuan a zirtira thlanten i ti mai mai lovang u, tiin training kal tura thlante a chah a ni.

Training hawnna inkhawmah Training Co-ordinator Pi F. Lalnisai SDC chuan, hma an lak dan tlangpui sawiin, he training kal duhte zawnna hi chanchinbuah Advertisement chhuah  mahse,an duh ang leh an  beisei zat dilna an hmuh loh thute, Thalaite tana inzirna tangkai tak a nih si avangin YMA leh MHIP hruaitute phungbawmah sawm a, migrant workers ni chiah lote pawh engemawzat an tel tir ve thu a sawi a, He trainingah hian Zir tur hi chi thum - Cement Mistiri, Ei lIn siamna lam(Food Processing) leh Vawk vulh(Piggery) te anih thu a sawi bawk.

 “Livelihood Generation for returned Migrant Workers due to Covid19” ah hian Cement Mistiri ah hian seat 40 awmin,Ni 45 chhungin  SIRD & PR mithiamten zirtirna an pe ang a, Food Processing ah hian Seat 20 awmin Ni 15 chhung  Pi Lalhmangaihzuali, M Sc (Food & Nutrition) leh Pi K. Lalmalsawmi, SMS, KVK ten zirtirna an pe ang a, Piggery ah hian seat 20 awmin Ni 15 in AH & Vety, Serchhip District mithiamten training an pe dawn a ni.

Training  hawnna inkhawmah hian Er. Lalthlansanga, Core Faculty, Rural Engineering, SIRD & PR leh Pu R.Kawlthuama, President, Sub- Hqtrs YMA te pawhin thusawina hun an hmang bawk a ni.

Comments

Post a Comment

Popular posts from this blog

Synod Moderator in Family Guidance & Counselling Centre Serchhip, Counsellor Quarters hawng

Posted by on
Image
Mizoram Synod Moderator Rev. Dr. Vanlalnghaka  Ralte chuan kar kalta Inrin Ni (Dt 16thJUly 2022) khan Serchhip AOC/Venglai a Family Guidance & Counselling Centre Serchhip,Counsellor Quarters hawngin, Pathian hnenah a hlan Nimin  Dt 16thJuly 2022 khan Mizoram Synod Moderator Rev. Dr. Vanlalnghaka Ralte hian ribbon chep chatin FG&CC Serchhip Counsellor Quarters hi a hawng a, hemi hnu hianQuartes  tharah hawnna leh hlanna inkhawm tawi  neih chhunzawm  nghal a ni. Hlanna inkhawm tawi hi Pastor H. Biakthansanga, Chairman, FG&CC Serchhip Centre in  kaihruaiin, Mizoram Synod Moderator Rev. Dr. Vanlalnghaka Ralte in Counsellor Quarters Pathian hnen a hlanna hun leh thu sawiina neiin, Building sak dan Report, Rev. Rolungmuana Zadeng, Secretary, FG&CC Serchhip Centre hnen aṭang ngaihthlak a ni bawk Inkhawm tawiah hian Rev. J. Lalremsiama, Counsellor FG&CC Main Centre leh  Upa K.L Pakunga, Moderator, Chhimchhak Presbytery ten thusawi bawkin, Chhiahtlang Kawnveng Bialtu Pastor
Kimchang zawkin »

FAI Cat-II International Paragliding Accuracy Chapionship, 2020, Mizoram, India tluang takin zo fel

Posted by on
Image
Dt 13-15th Feb chhunga Serchhip Bawngchawm Tlang a intihsiakna neih zawh tak Fédération Aéronautique Internationale (FAI), Category II International Paragliding Accuracy Championship, 2020, Mizoram, kharna Inkhawm chu Vawiin tlai dar 3;00pmkhan Serchhip Zawlpui Phai (Landing point)-ah hman niin he hun hi Pi Esther Lalruatkimi,Commissioner & Secretary, Tourism Department, Govt of Mizoramin kaihhruaiin,Mizoram Chief Minister Pu Zoramthanga chuan khuallian niin a hmanpui. Fédération Aéronautique Internationale (FAI), Category II International Paragliding Accuracy Championship, 2020, Mizoram, kharna Inkhawm rawn hmanpuitu leh khuallian ni bawk Minister Pu Zoramthanga chuan Paragliding intihsiakna hlawhtling tak neih a ni chu lawmawm tiin participant zawng zawng chungah lawmthu a sawi a. Mizoramin a vawi khatna atana international level championship a thleng chu ropui a tih thu sawiin, nakin zelah pawh khawvel huap paragliding intihsiakna hi Mizoramin a thlen leh zel a beisei th
Kimchang zawkin »

Kum tamtak chhung Keitum Branch YMA ten an lo humhalh Tuichang Lui a Sangha te Nghakuai hmanga manna hun hawng,mipuiten an hlut hle

Posted by on
Image
 Dt 16th(Sat) Zing Dar 8-Tlai Dar 5pm chhung  khan  Keitum Branch YMA te chuan  kum tamtak chhung an lo humhalh tawh Keitum leh Khawlailung inkar Tuichang Lei hnuai Sangha te chu Nghakuai chiah/kam man pawisa tlem  chawiin,a duh piangte tan an hawng a,a chhehvel khaw hrang  hrang  atangin Mi 300 chuang an fuankhawm ani Keitum Branch YMA hruaitute hnen atanga thu kan dawn danin,h an Lui humhalh chhunga Sangha te,  man chawi manna  hun an hawnah hian  Humhalh Li (Lei Hnuai Li)  bika Sangha te chu khualzin te thlir theih  tur a an awm reng  theih nan hemi Li bika Sangha chu  man an phalloh thute, Sangha man  tumte  sum tlingkhawm(Entry Fee)  chu  an Branch huamchhunga  mirethei leh  harsa zawkte  tanpui nan  leh khawtlang mamawh hrang hrang atan hman anih dawn thu  sawiin,sangha man tura  kalkhawm te chungah lawmthu an sawi bawk ani. Keitum branch YMA ten  sumtuak nana Nghakuai chiah/kam hun an hawn  ah hian  mithenkhat te chuan sangha lian  leh tuihnai tak tak engemawzat an man a ni
Kimchang zawkin »