Latest Post

SERCHHIPAH UJJWAL BHARAT - UJJWAL BHAVISHYA POWER AT 2047 (KAWLPHETHA KUT) HMANG

Posted by on
Image
  Dt 28th July, 2022 khan India ramin zalenna a hmuh champha kum za na kum 2047 a Power intodelh (independent) neih hman tuma hmalakna Ujjwal Bharat - Ujjwal Bhavishya Power @ 2047 chungchang inhrilhhriatna, "Kawlphetha Kut" chu Serchhip P&E YMA Hall ah buatsaih a ni a. Pi Nazuk Kumar, IAS, Serchhip bawrhsap chu khuallian a ni. Khuallian Pi Nazuk Kumar chuan, Ujjwall Bharat - Ujjwall Bhavishya awmzia chu "mamawh khawp power neih a, hmakhaw duhawm tak neih" tihna a ni ber a, kan nitin nunah, zirnaah te, hriselna lam leh hospital ah te, kawng tinrengah power hnianghnar kan mamawh a, Mizoram pawh tlangram anih avangin tuilakna leh a semdarhna kawng thlengin power hnianghnar kan mamawh a ni. Chu kan mamawhna phuhruka kan hnianghnar power kan neih theih nan sawrkar laipui chuan hmalakna ropui tak a kalpui ta a ni, tiin kan ramin he ruahmanna a mamawh dan a sawi a. Mitinin power hnianghnar kan neih theih nana a semdarhna leh a inthlunkhawmna tha kan mamawh dante pawh
Post a Comment

FAI Cat-II International Paragliding Accuracy Chapionship, 2020, Mizoram, India tluang takin zo fel

Posted by on
Dt 13-15th Feb chhunga Serchhip Bawngchawm Tlang a intihsiakna neih zawh tak Fédération Aéronautique Internationale (FAI), Category II International Paragliding Accuracy Championship, 2020, Mizoram, kharna Inkhawm chu Vawiin tlai dar 3;00pmkhan Serchhip Zawlpui Phai (Landing point)-ah hman niin he hun hi Pi Esther Lalruatkimi,Commissioner & Secretary, Tourism Department, Govt of Mizoramin kaihhruaiin,Mizoram Chief Minister Pu Zoramthanga chuan khuallian niin a hmanpui.

Fédération Aéronautique Internationale (FAI), Category II International Paragliding Accuracy Championship, 2020, Mizoram, kharna Inkhawm rawn hmanpuitu leh khuallian ni bawk Minister Pu Zoramthanga chuan Paragliding intihsiakna hlawhtling tak neih a ni chu lawmawm tiin participant zawng zawng chungah lawmthu a sawi a. Mizoramin a vawi khatna atana international level championship a thleng chu ropui a tih thu sawiin, nakin zelah pawh khawvel huap paragliding intihsiakna hi Mizoramin a thlen leh zel a beisei thu a sawi a. Chumi atan chuan participant tam zawk an tel a, he intihsiakna hi Mizoram leh India ramah a lo than len zel a beisei thu a sawi. Intihsiakna a tel pilot te pawh championship neih chhungin hun nuam tak an hman a beisei thu leh, intihsiakna buatsaih leh zel turah pawh lo tel thin turin a sawm a ni. Chief Minister chuan Mizoram chu ram te tak te, development lamah ram changkang zawkte nen khaikhin chuan la sanglo tak ni mahse a chhung a cheng ten theihtawp an chhuah a tihtak zeta an thawhchuan khawvelah kan langsar thei a ni, a ti a. Zoram hmun tinah mipuite chu eng chhuah tura sawmin, ram dang mite an lo kalin mipuiin an nunah leh chet danah Mizoram mawina leh thatna an lan chhuah tir theih nan inbuatsiah theuh turin a sawm. Pu Zoramthanga chuan vawiina rahbi pakhat kan rah tawh na atang hian khawvela langsar chho zel theihna turin rahbi danga kaichho zel a hmasawn thei turin hmalakpuiah mipui a sawm a. Chief Minister chuan Serchhip bialtu MLA te, official te, mipui te leh he intihsiak buaipuitu zawng zawng chungah lawmthu sawiin, he championship hi intihsiakna chhinchhiahthlak tak a nih zel a beisei thu a sawi a ni.

Internationale (FAI), Category II International Paragliding Accuracy Championship, 2020, Mizoram, kharna Inkhawm ah hian Pu Robert Romawia Royte,Tourism leh Sport Minister ni bawk pawhin thu sawiin, he Championship hi Serchhip mai nilo ,Mizoram mai nilo , India raminkan thlen thute, Paragliding Sport chu Mizoram sawrkar pawhin thuamthat a promote chhohzel a tum thute sawiin,he Championship ngai hlu a entu Serchhip mipuite chungah lawmthu a sawi bawk.

II International Paragliding Accuracy Championship, 2020, Mizoram, kharna Inkhawm ah hian Chief Minister leh Tourism Minister te bakah Pu C Lalramzauva, Adviser to CM, Pu Lalduhoma Bialtu MLA leh Kawnpui Bialtu Andrew H. Thangliana ten lawmman an sem a, Serchhip Disitrict Bawrhsap, SP Serchhip leh sawrkar mi pawimawh thahnemtak te an tel bawk a ni.

He intihsiaknaah hian khawvel ram hrang hrang in Pilot tel tum khawvel ram hrang hrang 18 atangin mi 87 vel in register mah se, vanduaithlak takin tunlai a hrileng mek Corona-virus avangin Pilot tam zawkte chu an ram leh an state chhuahsan phal annih loh avangin an rawn tel theih ta lova,he intihsiakah hian khawvel ram hrang hrang 7 atang leh India atangin pilot 25 te telin, Korea, Afghanistan leh Kazakhstan atangte in Foreign Pilot te rawn tel theiin, , He intihsiaknaah hian Pilot te chu Glider hmang in Serchhip Bawngchawm Tlang atang hian thlawk chhuak (Take-off) in,Serchhip Zawlpui Phaia Landing Point ah tum dan dik chat ( Accuracy Landing) tum turin an inel a,Pilot te tumdan(Landing) hi Landing Official te bakah leh khawl hmang a uluk taka endik niin, Pilot te point score zat lo chhinchhiah zel ani.He intihsiakah hian Pilot pakhat hian Chance Vawi 8 theuh neiin,Accuracy landing round 8 ah hian Mens Category ah Pakhatna - Serial No 8 Buyng Chang Jeun,S,Korea niin Medal leh Euro 2000 a dawng a,Pahnihnaah Igor Varskhi ,Kazakhstan niin Euro 1500 a dawng a, Pathumnaah Vishal Kumar,India niin Euro 1000 dawng bawk. Hmeichhe Category ah Korea nula Jinhee Baek niin Medal leh Euro 2000,Pahnihna- Junbai Ra Korea bawk niin Euro 1500 leh Pathumna ah Pathumnaah Rupa Devi Karki,India niin Euro 1000 a dawng bawk.
1st Position in Women Category

Heng bakah hian Pilot te hi Team 6 ah thenin,Team anga titha ber chu S.Korea team te anni bawk. He intihsiakah hian Meet/Event Director Pu Zlatko Spirkoski, Macedonia leh Chief Judge Pu Jaka Gorenc, Slovenia leh ram chhung atanga officials te bakah,Aero Club of India(ACI) aiawh ten an rawn telpui thei bawk a ni.

Mizoram Chief Minister Pu Zoramthanga hian tun thla Ni 27 atanga tan tur Kristian Thalai Pawl General Conference Vawi 58-na neihna hmun tur Serchhip P&E Veng ,Leisekawt Field a Pandal sak mek chu a tlawh nghal bawk a ni.

Comments

  1. Unknown15 February 2020 at 22:18

    Serchhip Distric-in khawvelhuapa inelna Kan thleng thei leh hmunhma tha tak Kan nei hi a vanneihthlak ka ti hle
    Serchhipa Kan hotute an Fakawm tak zet e

    ReplyDelete

Post a Comment

Popular posts from this blog

Synod Moderator in Family Guidance & Counselling Centre Serchhip, Counsellor Quarters hawng

Posted by on
Image
Mizoram Synod Moderator Rev. Dr. Vanlalnghaka  Ralte chuan kar kalta Inrin Ni (Dt 16thJUly 2022) khan Serchhip AOC/Venglai a Family Guidance & Counselling Centre Serchhip,Counsellor Quarters hawngin, Pathian hnenah a hlan Nimin  Dt 16thJuly 2022 khan Mizoram Synod Moderator Rev. Dr. Vanlalnghaka Ralte hian ribbon chep chatin FG&CC Serchhip Counsellor Quarters hi a hawng a, hemi hnu hianQuartes  tharah hawnna leh hlanna inkhawm tawi  neih chhunzawm  nghal a ni. Hlanna inkhawm tawi hi Pastor H. Biakthansanga, Chairman, FG&CC Serchhip Centre in  kaihruaiin, Mizoram Synod Moderator Rev. Dr. Vanlalnghaka Ralte in Counsellor Quarters Pathian hnen a hlanna hun leh thu sawiina neiin, Building sak dan Report, Rev. Rolungmuana Zadeng, Secretary, FG&CC Serchhip Centre hnen aṭang ngaihthlak a ni bawk Inkhawm tawiah hian Rev. J. Lalremsiama, Counsellor FG&CC Main Centre leh  Upa K.L Pakunga, Moderator, Chhimchhak Presbytery ten thusawi bawkin, Chhiahtlang Kawnveng Bialtu Pastor
Kimchang zawkin »

Kum tamtak chhung Keitum Branch YMA ten an lo humhalh Tuichang Lui a Sangha te Nghakuai hmanga manna hun hawng,mipuiten an hlut hle

Posted by on
Image
 Dt 16th(Sat) Zing Dar 8-Tlai Dar 5pm chhung  khan  Keitum Branch YMA te chuan  kum tamtak chhung an lo humhalh tawh Keitum leh Khawlailung inkar Tuichang Lei hnuai Sangha te chu Nghakuai chiah/kam man pawisa tlem  chawiin,a duh piangte tan an hawng a,a chhehvel khaw hrang  hrang  atangin Mi 300 chuang an fuankhawm ani Keitum Branch YMA hruaitute hnen atanga thu kan dawn danin,h an Lui humhalh chhunga Sangha te,  man chawi manna  hun an hawnah hian  Humhalh Li (Lei Hnuai Li)  bika Sangha te chu khualzin te thlir theih  tur a an awm reng  theih nan hemi Li bika Sangha chu  man an phalloh thute, Sangha man  tumte  sum tlingkhawm(Entry Fee)  chu  an Branch huamchhunga  mirethei leh  harsa zawkte  tanpui nan  leh khawtlang mamawh hrang hrang atan hman anih dawn thu  sawiin,sangha man tura  kalkhawm te chungah lawmthu an sawi bawk ani. Keitum branch YMA ten  sumtuak nana Nghakuai chiah/kam hun an hawn  ah hian  mithenkhat te chuan sangha lian  leh tuihnai tak tak engemawzat an man a ni
Kimchang zawkin »