Kumin October Ni 16-18 chhunga Rampum huap 'Presbyterian Kohhran Pavalai Pawl Intawhkhawm Vawi 7-na' neihna tur pandal sak bul tan ani ta

Lawma Ralte • August 25, 2026 • Comments

 Vawiin 25Aug 2026(Thawhleh Ni)atang hian Kumin October  Ni 16-18 chhunga Rampum huap 'Presbyterian Kohhran Pavalai Pawl Intawhkhawm Vawi 7-na neihna tur pandal sak bul tan niin,tukin zingkar khan Serchhip P&E Veng Leisekawt Mualah Pandal sak bul tanna hunserh hman niin,'Rampum huap Kohhran Pavalai Pawl Intawhkhawm' Organising Chairman Upa Vanlalchhunga'n tluangtaka pandal sak hna thawh anih theih nan tawngtaiin Pathian hnenah a hlan a ni.


'Presbyterian Kohhran Pawl Intawhkhawm Vawi 7-na'Serchhip Leisekawt Muala neihna tur Pandal sak hna hi Mark Events & Entertainment Aizawl Ramhlun ten thawkin, a dung 200ft,a vang 190ft a lianin tunkar chhung hian Pandal ruh rel( Structure) zawhfel vek tum ani a,a remchan dan anga zar belh tur a ruahman ni bawkin, mihring 10000 chuang leng tura ruahman ani a, Sound hi WAVE Sound hman tur ni bawkin,'Rampum huap Kohhran Pavalai Pawl Intawhkhawm' Organising Committee hnuaiah Sub Committee pawimawh hrang hrang 6 siam fel ani tawh bawk a ni.