E.LUNGDAR VC BYE-ELECTION ATAN FINAL ROLL TLANGZARH ANI

 Vawiin Dated 7th July 2026 khan Serchhip DC Meeting Hall-ah  Serchhip District Election Officer,Pu Paul L. Khuma chuan E. Lungdar Village Council Bye Election atana buatsaih Final Roll a tlangzarh.

District Election Officer Pu Paul L. Khuma chuan E. Lungdar-ah VC tanglai a boral avangin Bye Election neih a tul thu sawiin,Final Roll peihfel a ni ta chu lawmawm a tih thu a sawi a. Bye Election neih hunah pawh inthlanna fel leh thianghlim, muanawm tak a awm theih nan kalkhawmte chu thawhpuiah sawmin, boruak tha lo a lo awm palh a nih pawha thelh daitu ni turin a sawm a. VC Final Roll chu tlangzarhin ERO leh Polical Party hrang hrangte hnenah a hlan nghal a ni.

Pi Lalchhanhimi, Election Officer chuan Roll tlangzarh tak chungchang sawiin Draft Roll atan hian 2025-a VC Election Final Roll hman niin, ni 12 June, 2026 khan tlangzarh a nih thu a sawi a. Siam that ngai leh inthun thar hun hi ni 12-24 June, 2026 chhung hawn niin, ni 1 January, 2026 a kum 18 tling chinte thun thar theih an ni a. Inthun thar dilte enfiah hun ni 25 June, 2026-ah ERO Dr. Marylin Lalruatkimi kaihhruaia neih a nih thu a sawi bawk.

E. Lungdar Village Council-ah hian in 620 awm thin chu 624 a ni ta a, Mipa lut thar 35 leh hmeichhia lut thar 52, an vaiin 87 an nih laiin, paih ngai mipa 41 leh hmeichhia 7, an vaiin 48 an awm a. Final Roll-a chuang zawng zawng hi mipa 1112 leh hmeichhia 1248, an vaiin 2360 an ni a. Tun dinhmunah VC set 7 a awm mek a ni.

Vawiin a Final Roll tlangzarhna ah hian Pi Dorothy Muansangi, Dy District Election Officer,  Dr. Marylin Lalruatkimi, BDO E. Lungdar leh ERO bakah Political Party hrang hrang aiawhte leh MJA aiawh aiawhte an tel a ni.