SERCHHIPAH 'CRIME REVIEW MEETING' NEIH ANI

Lawma Ralte • September 10, 2020 • Comments

 



Vawiin Dt 10thSept Tlai dar 3;00pm khan  Superintendent of Police Office  Conference Hallah Serchhip District  chhung  Police Station  hrang hrangte  hnathawh  thlirletna-‘Crime Review Meeting’ neih niin  Pu Laltanpuia,MPS  Addl SP Serchhip  chuan he Meeting hi a neihpui a, Kumin (2020) January Ni 1 atanga September  Ni 9  thlenga   Serchhip District chhunga case registered  te  thlirletna  neih ani a, case chungchanga harsatna leh hmasawnna tur chi hrang hrang sawiho a ni.

 

 Meeting  ah hian report atanga a lan danin  Kumin 2020 January  atanga  tun thla September  Ni 9 thleng hian Police Case registered-46( Serchhip PS ah –37,N.Vanlaipphai PS ah -3 leh Thenzawl-ah  PS-6) awmin ,heng zinga Case  tam ber hi  Theft case niin case 12 ziahluh a ni a, a dawtah MLP Act/Prohibition  Act  niin Case 6 ziahluh ani a,  a dawttu hi kum tlinglo  laka hursualna  lam thil kaihhnawih  -POCSO Act  niin Case 4 ziahluh ani. Damdawi /ruihhlo  lam kaihhnawih –(ND&PS Act) hi case -3 ziahluh ani bawk . Heng bakah hian Juvenile Justice Act,IT Act leh Foreigners Act hnuaiah case 1 theuh ziahluh a ni. Case ziahluh zawng zawng 46 atang hian Charge Sheet-34,Pending Investigation -12  leh Pending Trial -26 awmin  Mi 8 te chu  thiamloh chantir(Convicted)  anni bawk.

Vawiin a Serchhip Police Crime Review Meetingah Serchhip District chhung Police Station pathum atangin  Officer Incharge(OC)  3 te leh Investigating Officer(IO) 5 te telin,District chhung Police Station hrang hrang   a  hnathawh  leh hmalak dan tlangpuite  ngaihthlak  anih bakah  tunlai hrileng avanga sawrkar thupek (order) hrang hrang kenkawh  chungchangah  infuihthar  lehna hun hman ani bawk.