Latest Post

SERCHHIPAH UJJWAL BHARAT - UJJWAL BHAVISHYA POWER AT 2047 (KAWLPHETHA KUT) HMANG

Posted by on
Image
  Dt 28th July, 2022 khan India ramin zalenna a hmuh champha kum za na kum 2047 a Power intodelh (independent) neih hman tuma hmalakna Ujjwal Bharat - Ujjwal Bhavishya Power @ 2047 chungchang inhrilhhriatna, "Kawlphetha Kut" chu Serchhip P&E YMA Hall ah buatsaih a ni a. Pi Nazuk Kumar, IAS, Serchhip bawrhsap chu khuallian a ni. Khuallian Pi Nazuk Kumar chuan, Ujjwall Bharat - Ujjwall Bhavishya awmzia chu "mamawh khawp power neih a, hmakhaw duhawm tak neih" tihna a ni ber a, kan nitin nunah, zirnaah te, hriselna lam leh hospital ah te, kawng tinrengah power hnianghnar kan mamawh a, Mizoram pawh tlangram anih avangin tuilakna leh a semdarhna kawng thlengin power hnianghnar kan mamawh a ni. Chu kan mamawhna phuhruka kan hnianghnar power kan neih theih nan sawrkar laipui chuan hmalakna ropui tak a kalpui ta a ni, tiin kan ramin he ruahmanna a mamawh dan a sawi a. Mitinin power hnianghnar kan neih theih nana a semdarhna leh a inthlunkhawmna tha kan mamawh dante pawh ...
Post a Comment

Jal Jeevan Mission (JJM ) hnuaia Implementation Support Agency( ISA) hnathawh tur inhrilhhriatna hun hman a ni

Posted by on

 India ram chhunga thingtlanga chhungkaw tinte hnena tui connection

pekna tura hmalakna, Jal Jeevan Mission (JJM) hnuaia Implementation
Support Agency (ISA) hnathawh dan tur chungchang sawihona hi  nimin
(15.9.2020)tlai dar 4:00pm  khan PHED Serchhip WATSAN Division Sr.
Executive Engineer, Er. F.Lalsanglura hovin a office chamberah -ah
Sub-Hqrs. YMA Serchhip Office Bearer-te leh ISA team member-te nen
inhmukhawm a sawiho  niin, He thutkhawmnaah hian Meeting Chairman  Er.
F.Lalsanglura chuan tun hmaa thingtlang khuate hnena tui in tur pekna
tura hmalakna National Rural Drinking Water Programme (NRDWP) chu JJM
a  thlak a nih thu leh Prime Minister Flagship Programme a nih thu a
sawi a, JJM hnuaiah hian thingtlanga chhungkua zawng zawngten an ina
tui an herhhaw theihna tura tui connection pêk vek chu a tum ber a nih
thu leh kum 2024-ah chuan India  thingtlanga chhungkua zawng zawngten
tui connection an neih vek theihna turin ruahmanna siam a nih thu a
sawi bawk.
Er. F.Lalsanglura chuan tunah hian Serchhip Division hnuaia thingtlang
khaw hrang hrangah pawh chhungkaw tinte hnena tuipek hna hi thawh mek
a nih thute, khaw engemawzatah chhungtinte hnenah tui connection pek
fel a nih tawh thu sawiin, hemi rual hian tui awm that lohna khuaahte
chuan tui hnianghnar an neih theihna turin tuilak titha tura hmalak
nghal zel a nih thu a sawi a, tun dinhmunah Hmuntha, Chanin,
Buhkangkawn, Sialsir, Khawlailung, Buangpui, Lungkawlh, Thinglian leh
Hriangtlangah te chhungtinte hnena tui connection pek an ni tawh
thute, hei bakah hian Thentlang, Hmawngkawn, Phulmawi ,
Vanchengte-ahte pawh chhung tinte hnenah tui connection pekna turin
pipe fit hna thawh zawh tawh niin, heng khuaah te hian tuilak tihthat
hna kalpui mek niin, sawrkar kum kal mek (2020-2021)-ah hian khaw 7 -
Rullam, Neihloh, Tuichang, E.Bungtlang, Ngentiang, Hualtu leh
Chekawnah te chhungkaw tin tui pek hna hi thawh leh a nih tur thu a a
sawi bawk.
JJM kalpuina kawngah hian PHE Department leh Central YMA-in thawhhona
tur an ziak bawhzuiin, Implementation Support Agency (ISA) atan hian
YMA hman a ni dawn a, Serchhip WATSAN Division-ah pawh ISA atan hian
Sub-Hqrs, YMA Serchhip hman niin, Sub-Hqrs. YMA hnuaia Sanitation
Committee chuan ISA team turte a ruatchhuak a, hei hi PHE Department
chuan a pawmpui tawh a, nimina hun hmannaah hian ISA hna chanpual
turte inhrilhhriatna hun hman a nih bakah an hnathawh dan tur kalphung
sawiho  nghal niin, Sub-Hqrs. YMA aiawhin  President R.Sanghmingthanga
leh OB dang pahnihten ISA team member-te hi an tawiawm a ni.
He hunah hian Samuel Lallawmzuala, District Coordinator chuan ISA hna
chanpual tura duansate sawiin, Samuel Lallawmzuala hian JJM chungchang
bakah tunhnaia Swachh Bharat Mission (Grameen) kaltlanga ‘Prime
Minister Award for Excellence in Public Administration 2020’ dawng
thei tura India ram puma District 10 thlan chhuah zingah Serchhip
District a la tel thu sawiin, he Award dawng tur hian District
Bawrhsapin presentation a pek tawh thu leh tunah hian sawrkar laipui
lam atangin khaw mipuite hnenah telephone hmanga zawhna an zawh mek
thu a sawi bawk.

Comments

Post a Comment

Popular posts from this blog

Synod Moderator in Family Guidance & Counselling Centre Serchhip, Counsellor Quarters hawng

Posted by on
Image
Mizoram Synod Moderator Rev. Dr. Vanlalnghaka  Ralte chuan kar kalta Inrin Ni (Dt 16thJUly 2022) khan Serchhip AOC/Venglai a Family Guidance & Counselling Centre Serchhip,Counsellor Quarters hawngin, Pathian hnenah a hlan Nimin  Dt 16thJuly 2022 khan Mizoram Synod Moderator Rev. Dr. Vanlalnghaka Ralte hian ribbon chep chatin FG&CC Serchhip Counsellor Quarters hi a hawng a, hemi hnu hianQuartes  tharah hawnna leh hlanna inkhawm tawi  neih chhunzawm  nghal a ni. Hlanna inkhawm tawi hi Pastor H. Biakthansanga, Chairman, FG&CC Serchhip Centre in  kaihruaiin, Mizoram Synod Moderator Rev. Dr. Vanlalnghaka Ralte in Counsellor Quarters Pathian hnen a hlanna hun leh thu sawiina neiin, Building sak dan Report, Rev. Rolungmuana Zadeng, Secretary, FG&CC Serchhip Centre hnen aṭang ngaihthlak a ni bawk Inkhawm tawiah hian Rev. J. Lalremsiama, Counsellor FG&CC Main Centre leh  Upa K.L Pakunga, Moderator, Chhimchhak Presbytery ten thusawi bawkin, C...
Kimchang zawkin »

India khua leh tui,rethei te leh harsa zawk te tana hmathatna hrang hrang -PMJJBY, PMSBY leh APY te Mizoram Rural Bank,Serchhip Branch ah kalpui mek ani

Posted by on
Image
  Sawrkar laipuiin a khua leh tuite tan hamthatna a siam hrang hrang zingah,mirethei leh harsa zawk Kum 18-50 inkar ten Kum 1 atan zel pawisa tlemte dah/chawi a, Damlohna leh Accident thil avanga  thihna an lo tawh palh pawh a Rs Nuaih 2 (2lks) thleng Insuarance /lu man  an bill theihna tur - Pradhan Mantri Jeevan Jyoti Bima Yojana (PMJJBY) ( even the poorest of the poor can have a life insurance cover for Rs 2 lakh at less than 1 rupee a day under PMJJBY)ah leh India khua leh  tui mirethei leh harsa zawk Kum 18-70 inkar ten thlatin  an pawisa tlemte  dah a, thihna leh piansualna/ramtuileilo  a awmna khawp  chhiatna an tawh  palh a sawrkar in do let na  nen sum Rs 2lkhs thleng  an hmuh theihna - Pradhan Mantri Suraksha Bima Yojana (PMSBY) ( an accident insurance of Rs 2 lakh at less than 1 rupee a month under PMSBY) ah  te bakah, chhungkaw  eizawng tu ber Kum 18-40 inkar ten Kum 60 an tlin hnuaah, pawisa dah zat ang zel a ...
Kimchang zawkin »

Kum tamtak chhung Keitum Branch YMA ten an lo humhalh Tuichang Lui a Sangha te Nghakuai hmanga manna hun hawng,mipuiten an hlut hle

Posted by on
Image
 Dt 16th(Sat) Zing Dar 8-Tlai Dar 5pm chhung  khan  Keitum Branch YMA te chuan  kum tamtak chhung an lo humhalh tawh Keitum leh Khawlailung inkar Tuichang Lei hnuai Sangha te chu Nghakuai chiah/kam man pawisa tlem  chawiin,a duh piangte tan an hawng a,a chhehvel khaw hrang  hrang  atangin Mi 300 chuang an fuankhawm ani Keitum Branch YMA hruaitute hnen atanga thu kan dawn danin,h an Lui humhalh chhunga Sangha te,  man chawi manna  hun an hawnah hian  Humhalh Li (Lei Hnuai Li)  bika Sangha te chu khualzin te thlir theih  tur a an awm reng  theih nan hemi Li bika Sangha chu  man an phalloh thute, Sangha man  tumte  sum tlingkhawm(Entry Fee)  chu  an Branch huamchhunga  mirethei leh  harsa zawkte  tanpui nan  leh khawtlang mamawh hrang hrang atan hman anih dawn thu  sawiin,sangha man tura  kalkhawm te chungah lawmthu an sawi bawk ani. Keitum branch YMA ten  sumtuak na...
Kimchang zawkin »